{"reader_html":"<h1 class=\"chapter-heading\">Judges<span class=\"chapter-label\">Chapter 9<\/span><\/h1>\n<p class=\"verse-para\"><sup class=\"vnum\" data-v=\"1\" onclick=\"loadParallel(1,7,9,1,&quot;Judges&quot;)\">1<\/sup><span class=\"vtext\">Abiit autem Abimelech filius Jerobaal in Sichem ad fratres matris suæ, et locutus est ad eos, et ad omnem cognationem domus patris matris suæ, dicens:<\/span> <\/p>\n<p class=\"verse-para\"><sup class=\"vnum\" data-v=\"2\" onclick=\"loadParallel(1,7,9,2,&quot;Judges&quot;)\">2<\/sup><span class=\"vtext\">Loquimini ad omnes viros Sichem: Quid vobis est melius, ut dominentur vestri septuaginta viri omnes filii Jerobaal, an ut dominetur unus vir? simulque considerate quod os vestrum et caro vestra sum.<\/span> <\/p>\n<p class=\"verse-para\"><sup class=\"vnum\" data-v=\"3\" onclick=\"loadParallel(1,7,9,3,&quot;Judges&quot;)\">3<\/sup><span class=\"vtext\">Locutique sunt fratres matris ejus de eo ad omnes viros Sichem universos sermones istos, et inclinaverunt cor eorum post Abimelech, dicentes: Frater noster est.<\/span> <\/p>\n<p class=\"verse-para\"><sup class=\"vnum\" data-v=\"4\" onclick=\"loadParallel(1,7,9,4,&quot;Judges&quot;)\">4<\/sup><span class=\"vtext\">Dederuntque illi septuaginta pondo argenti de fano Baalberit. Qui conduxit sibi ex eo viros inopes et vagos, secutique sunt eum.<\/span> <\/p>\n<p class=\"verse-para\"><sup class=\"vnum\" data-v=\"5\" onclick=\"loadParallel(1,7,9,5,&quot;Judges&quot;)\">5<\/sup><span class=\"vtext\">Et venit in domum patris sui in Ephra, et occidit fratres suos filios Jerobaal, septuaginta viros super lapidem unum: remansitque Joatham filius Jerobaal minimus, et absconditus est.<\/span> <\/p>\n<p class=\"verse-para\"><sup class=\"vnum\" data-v=\"6\" onclick=\"loadParallel(1,7,9,6,&quot;Judges&quot;)\">6<\/sup><span class=\"vtext\">Congregati sunt autem omnes viri Sichem, et universæ familiæ urbis Mello: abieruntque et constituerunt regem Abimelech, juxta quercum quæ stabat in Sichem.<\/span> <\/p>\n<p class=\"verse-para\"><sup class=\"vnum\" data-v=\"7\" onclick=\"loadParallel(1,7,9,7,&quot;Judges&quot;)\">7<\/sup><span class=\"vtext\">Quod cum nuntiatum esset Joatham, ivit, et stetit in vertice montis Garizim: elevataque voce, clamavit, et dixit: Audite me, viri Sichem; ita audiat vos Deus.<\/span> <\/p>\n<p class=\"verse-para\"><sup class=\"vnum\" data-v=\"8\" onclick=\"loadParallel(1,7,9,8,&quot;Judges&quot;)\">8<\/sup><span class=\"vtext\">Ierunt ligna, ut ungerent super se regem: dixeruntque olivæ: Impera nobis.<\/span> <\/p>\n<p class=\"verse-para\"><sup class=\"vnum\" data-v=\"9\" onclick=\"loadParallel(1,7,9,9,&quot;Judges&quot;)\">9<\/sup><span class=\"vtext\">Quæ respondit: Numquid possum deserere pinguedinem meam, qua et dii utuntur et homines, et venire ut inter ligna promovear?<\/span> <\/p>\n<p class=\"verse-para\"><sup class=\"vnum\" data-v=\"10\" onclick=\"loadParallel(1,7,9,10,&quot;Judges&quot;)\">10<\/sup><span class=\"vtext\">Dixeruntque ligna ad arborem ficum: Veni, et super nos regnum accipe.<\/span> <\/p>\n<p class=\"verse-para\"><sup class=\"vnum\" data-v=\"11\" onclick=\"loadParallel(1,7,9,11,&quot;Judges&quot;)\">11<\/sup><span class=\"vtext\">Quæ respondit eis: Numquid possum deserere dulcedinem meam, fructusque suavissimos, et ire ut inter cetera ligna promovear?<\/span> <\/p>\n<p class=\"verse-para\"><sup class=\"vnum\" data-v=\"12\" onclick=\"loadParallel(1,7,9,12,&quot;Judges&quot;)\">12<\/sup><span class=\"vtext\">Locutaque sunt ligna ad vitem: Veni, et impera nobis.<\/span> <\/p>\n<p class=\"verse-para\"><sup class=\"vnum\" data-v=\"13\" onclick=\"loadParallel(1,7,9,13,&quot;Judges&quot;)\">13<\/sup><span class=\"vtext\">Quæ respondit eis: Numquid possum deserere vinum meum, quod lætificat Deum et homines, et inter ligna cetera promoveri?<\/span> <\/p>\n<p class=\"verse-para\"><sup class=\"vnum\" data-v=\"14\" onclick=\"loadParallel(1,7,9,14,&quot;Judges&quot;)\">14<\/sup><span class=\"vtext\">Dixeruntque omnia ligna ad rhamnum: Veni, et impera super nos.<\/span> <\/p>\n<p class=\"verse-para\"><sup class=\"vnum\" data-v=\"15\" onclick=\"loadParallel(1,7,9,15,&quot;Judges&quot;)\">15<\/sup><span class=\"vtext\">Quæ respondit eis: Si vere me regem vobis constituitis, venite, et sub umbra mea requiescite: si autem non vultis, egrediatur ignis de rhamno, et devoret cedros Libani.<\/span> <\/p>\n<p class=\"verse-para\"><sup class=\"vnum\" data-v=\"16\" onclick=\"loadParallel(1,7,9,16,&quot;Judges&quot;)\">16<\/sup><span class=\"vtext\">Nunc igitur, si recte et absque peccato constituistis super vos regem Abimelech, et bene egistis cum Jerobaal, et cum domo ejus, et reddidistis vicem beneficiis ejus, qui pugnavit pro vobis,<\/span> <\/p>\n<p class=\"verse-para\"><sup class=\"vnum\" data-v=\"17\" onclick=\"loadParallel(1,7,9,17,&quot;Judges&quot;)\">17<\/sup><span class=\"vtext\">et animam suam dedit periculis, ut erueret vos de manu Madian,<\/span> <\/p>\n<p class=\"verse-para\"><sup class=\"vnum\" data-v=\"18\" onclick=\"loadParallel(1,7,9,18,&quot;Judges&quot;)\">18<\/sup><span class=\"vtext\">qui nunc surrexistis contra domum patris mei, et interfecistis filios ejus septuaginta viros super unum lapidem, et constituistis regem Abimelech filium ancillæ ejus super habitatores Sichem, eo quod frater vester sit:<\/span> <\/p>\n<p class=\"verse-para\"><sup class=\"vnum\" data-v=\"19\" onclick=\"loadParallel(1,7,9,19,&quot;Judges&quot;)\">19<\/sup><span class=\"vtext\">si ergo recte et absque vitio egistis cum Jerobaal et domo ejus, hodie lætamini in Abimelech, et ille lætetur in vobis.<\/span> <\/p>\n<p class=\"verse-para\"><sup class=\"vnum\" data-v=\"20\" onclick=\"loadParallel(1,7,9,20,&quot;Judges&quot;)\">20<\/sup><span class=\"vtext\">Sin autem perverse: egrediatur ignis ex eo, et consumat habitatores Sichem, et oppidum Mello: egrediaturque ignis de viris Sichem, et de oppido Mello, et devoret Abimelech.<\/span> <\/p>\n<p class=\"verse-para\"><sup class=\"vnum\" data-v=\"21\" onclick=\"loadParallel(1,7,9,21,&quot;Judges&quot;)\">21<\/sup><span class=\"vtext\">Quæ cum dixisset, fugit, et abiit in Bera: habitavitque ibi ob metum Abimelech fratris sui.<\/span> <\/p>\n<p class=\"verse-para\"><sup class=\"vnum\" data-v=\"22\" onclick=\"loadParallel(1,7,9,22,&quot;Judges&quot;)\">22<\/sup><span class=\"vtext\">Regnavit itaque Abimelech super Israël tribus annis.<\/span> <\/p>\n<p class=\"verse-para\"><sup class=\"vnum\" data-v=\"23\" onclick=\"loadParallel(1,7,9,23,&quot;Judges&quot;)\">23<\/sup><span class=\"vtext\">Misitque Dominus spiritum pessimum inter Abimelech et habitatores Sichem: qui cœperunt eum detestari,<\/span> <\/p>\n<p class=\"verse-para\"><sup class=\"vnum\" data-v=\"24\" onclick=\"loadParallel(1,7,9,24,&quot;Judges&quot;)\">24<\/sup><span class=\"vtext\">et scelus interfectionis septuaginta filiorum Jerobaal, et effusionem sanguinis eorum conferre in Abimelech fratrem suum, et in ceteros Sichimorum principes, qui eum adjuverant.<\/span> <\/p>\n<p class=\"verse-para\"><sup class=\"vnum\" data-v=\"25\" onclick=\"loadParallel(1,7,9,25,&quot;Judges&quot;)\">25<\/sup><span class=\"vtext\">Posueruntque insidias adversus eum in summitate montium: et dum illius præstolabantur adventum, exercebant latrocinia, agentes prædas de prætereuntibus: nuntiatumque est Abimelech.<\/span> <\/p>\n<p class=\"verse-para\"><sup class=\"vnum\" data-v=\"26\" onclick=\"loadParallel(1,7,9,26,&quot;Judges&quot;)\">26<\/sup><span class=\"vtext\">Venit autem Gaal filius Obed cum fratribus suis, et transivit in Sichimam. Ad cujus adventum erecti habitatores Sichem,<\/span> <\/p>\n<p class=\"verse-para\"><sup class=\"vnum\" data-v=\"27\" onclick=\"loadParallel(1,7,9,27,&quot;Judges&quot;)\">27<\/sup><span class=\"vtext\">egressi sunt in agros, vastantes vineas, uvasque calcantes: et factis cantantium choris, ingressi sunt fanum dei sui, et inter epulas et pocula maledicebant Abimelech,<\/span> <\/p>\n<p class=\"verse-para\"><sup class=\"vnum\" data-v=\"28\" onclick=\"loadParallel(1,7,9,28,&quot;Judges&quot;)\">28<\/sup><span class=\"vtext\">clamante Gaal filio Obed: Quis est Abimelech, et quæ est Sichem, ut serviamus ei? numquid non est filius Jerobaal, et constituit principem Zebul servum suum super viros Emor patris Sichem? cur ergo serviemus ei?<\/span> <\/p>\n<p class=\"verse-para\"><sup class=\"vnum\" data-v=\"29\" onclick=\"loadParallel(1,7,9,29,&quot;Judges&quot;)\">29<\/sup><span class=\"vtext\">utinam daret aliquis populum istum sub manu mea, ut auferrem de medio Abimelech. Dictumque est Abimelech: Congrega exercitus multitudinem, et veni.<\/span> <\/p>\n<p class=\"verse-para\"><sup class=\"vnum\" data-v=\"30\" onclick=\"loadParallel(1,7,9,30,&quot;Judges&quot;)\">30<\/sup><span class=\"vtext\">Zebul enim princeps civitatis, auditis sermonibus Gaal filii Obed, iratus est valde,<\/span> <\/p>\n<p class=\"verse-para\"><sup class=\"vnum\" data-v=\"31\" onclick=\"loadParallel(1,7,9,31,&quot;Judges&quot;)\">31<\/sup><span class=\"vtext\">et misit clam ad Abimelech nuntios, dicens: Ecce Gaal filius Obed venit in Sichimam cum fratribus suis, et oppugnat adversum te civitatem.<\/span> <\/p>\n<p class=\"verse-para\"><sup class=\"vnum\" data-v=\"32\" onclick=\"loadParallel(1,7,9,32,&quot;Judges&quot;)\">32<\/sup><span class=\"vtext\">Surge itaque nocte cum populo qui tecum est, et latita in agro:<\/span> <\/p>\n<p class=\"verse-para\"><sup class=\"vnum\" data-v=\"33\" onclick=\"loadParallel(1,7,9,33,&quot;Judges&quot;)\">33<\/sup><span class=\"vtext\">et primo mane, oriente sole, irrue super civitatem. Illo autem egrediente adversum te cum populo suo, fac ei quod potueris.<\/span> <\/p>\n<p class=\"verse-para\"><sup class=\"vnum\" data-v=\"34\" onclick=\"loadParallel(1,7,9,34,&quot;Judges&quot;)\">34<\/sup><span class=\"vtext\">Surrexit itaque Abimelech cum omni exercitu suo nocte, et tetendit insidias juxta Sichimam in quatuor locis.<\/span> <\/p>\n<p class=\"verse-para\"><sup class=\"vnum\" data-v=\"35\" onclick=\"loadParallel(1,7,9,35,&quot;Judges&quot;)\">35<\/sup><span class=\"vtext\">Egressusque est Gaal filius Obed, et stetit in introitu portæ civitatis. Surrexit autem Abimelech, et omnis exercitus cum eo, de insidiarum loco.<\/span> <\/p>\n<p class=\"verse-para\"><sup class=\"vnum\" data-v=\"36\" onclick=\"loadParallel(1,7,9,36,&quot;Judges&quot;)\">36<\/sup><span class=\"vtext\">Cumque vidisset populum Gaal, dixit ad Zebul: Ecce de montibus multitudo descendit. Cui ille respondit: Umbras montium vides quasi capita hominum, et hoc errore deciperis.<\/span> <\/p>\n<p class=\"verse-para\"><sup class=\"vnum\" data-v=\"37\" onclick=\"loadParallel(1,7,9,37,&quot;Judges&quot;)\">37<\/sup><span class=\"vtext\">Rursumque Gaal ait: Ecce populus de umbilico terræ descendit, et unus cuneus venit per viam quæ respicit quercum.<\/span> <\/p>\n<p class=\"verse-para\"><sup class=\"vnum\" data-v=\"38\" onclick=\"loadParallel(1,7,9,38,&quot;Judges&quot;)\">38<\/sup><span class=\"vtext\">Cui dixit Zebul: Ubi est nunc os tuum, quo loquebaris: Quis est Abimelech ut serviamus ei? nonne hic populus est, quem despiciebas? egredere, et pugna contra eum.<\/span> <\/p>\n<p class=\"verse-para\"><sup class=\"vnum\" data-v=\"39\" onclick=\"loadParallel(1,7,9,39,&quot;Judges&quot;)\">39<\/sup><span class=\"vtext\">Abiit ergo Gaal, spectante Sichimorum populo, et pugnavit contra Abimelech,<\/span> <\/p>\n<p class=\"verse-para\"><sup class=\"vnum\" data-v=\"40\" onclick=\"loadParallel(1,7,9,40,&quot;Judges&quot;)\">40<\/sup><span class=\"vtext\">qui persecutus est eum fugientem, et in urbem compulit: cecideruntque ex parte ejus plurimi, usque ad portam civitatis.<\/span> <\/p>\n<p class=\"verse-para\"><sup class=\"vnum\" data-v=\"41\" onclick=\"loadParallel(1,7,9,41,&quot;Judges&quot;)\">41<\/sup><span class=\"vtext\">Et Abimelech sedit in Ruma: Zebul autem Gaal et socios ejus expulit de urbe, nec in ea passus est commorari.<\/span> <\/p>\n<p class=\"verse-para\"><sup class=\"vnum\" data-v=\"42\" onclick=\"loadParallel(1,7,9,42,&quot;Judges&quot;)\">42<\/sup><span class=\"vtext\">Sequenti ergo die, egressus est populus in campum. Quod cum nuntiatum esset Abimelech,<\/span> <\/p>\n<p class=\"verse-para\"><sup class=\"vnum\" data-v=\"43\" onclick=\"loadParallel(1,7,9,43,&quot;Judges&quot;)\">43<\/sup><span class=\"vtext\">tulit exercitum suum, et divisit in tres turmas, tendens insidias in agris. Vidensque quod egrederetur populus de civitate, surrexit, et irruit in eos<\/span> <\/p>\n<p class=\"verse-para\"><sup class=\"vnum\" data-v=\"44\" onclick=\"loadParallel(1,7,9,44,&quot;Judges&quot;)\">44<\/sup><span class=\"vtext\">cum cuneo suo, oppugnans et obsidens civitatem: duæ autem turmæ palantes per campum adversarios persequebantur.<\/span> <\/p>\n<p class=\"verse-para\"><sup class=\"vnum\" data-v=\"45\" onclick=\"loadParallel(1,7,9,45,&quot;Judges&quot;)\">45<\/sup><span class=\"vtext\">Porro Abimelech omni die illo oppugnabat urbem: quam cepit, interfectis habitatoribus ejus, ipsaque destructa, ita ut sal in ea dispergeret.<\/span> <\/p>\n<p class=\"verse-para\"><sup class=\"vnum\" data-v=\"46\" onclick=\"loadParallel(1,7,9,46,&quot;Judges&quot;)\">46<\/sup><span class=\"vtext\">Quod cum audissent qui habitabant in turre Sichimorum, ingressi sunt fanum dei sui Berith, ubi fœdus cum eo pepigerant, et ex eo locus nomen acceperat: qui erat munitus valde.<\/span> <\/p>\n<p class=\"verse-para\"><sup class=\"vnum\" data-v=\"47\" onclick=\"loadParallel(1,7,9,47,&quot;Judges&quot;)\">47<\/sup><span class=\"vtext\">Abimelech quoque audiens viros turris Sichimorum pariter conglobatos,<\/span> <\/p>\n<p class=\"verse-para\"><sup class=\"vnum\" data-v=\"48\" onclick=\"loadParallel(1,7,9,48,&quot;Judges&quot;)\">48<\/sup><span class=\"vtext\">ascendit in montem Selmon cum omni populo suo: et arrepta securi, præcidit arboris ramum, impositumque ferens humero, dixit ad socios: Quod me videtis facere, cito facite.<\/span> <\/p>\n<p class=\"verse-para\"><sup class=\"vnum\" data-v=\"49\" onclick=\"loadParallel(1,7,9,49,&quot;Judges&quot;)\">49<\/sup><span class=\"vtext\">Igitur certatim ramos de arboribus præcidentes, sequebantur ducem. Qui circumdantes præsidium, succenderunt: atque ita factum est, ut fumo et igne mille homines necarentur, viri pariter et mulieres, habitatorum turris Sichem.<\/span> <\/p>\n<p class=\"verse-para\"><sup class=\"vnum\" data-v=\"50\" onclick=\"loadParallel(1,7,9,50,&quot;Judges&quot;)\">50<\/sup><span class=\"vtext\">Abimelech autem inde proficiscens venit ad oppidum Thebes, quod circumdans obsidebat exercitu.<\/span> <\/p>\n<p class=\"verse-para\"><sup class=\"vnum\" data-v=\"51\" onclick=\"loadParallel(1,7,9,51,&quot;Judges&quot;)\">51<\/sup><span class=\"vtext\">Erat autem turris excelsa in media civitate, ad quam confugerant simul viri ac mulieres, et omnes principes civitatis, clausa firmissime janua, et super turris tectum stantes per propugnacula.<\/span> <\/p>\n<p class=\"verse-para\"><sup class=\"vnum\" data-v=\"52\" onclick=\"loadParallel(1,7,9,52,&quot;Judges&quot;)\">52<\/sup><span class=\"vtext\">Accedensque Abimelech juxta turrim, pugnabat fortiter: et appropinquans ostio, ignem supponere nitebatur:<\/span> <\/p>\n<p class=\"verse-para\"><sup class=\"vnum\" data-v=\"53\" onclick=\"loadParallel(1,7,9,53,&quot;Judges&quot;)\">53<\/sup><span class=\"vtext\">et ecce una mulier fragmen molæ desuper jaciens, illisit capiti Abimelech, et confregit cerebrum ejus.<\/span> <\/p>\n<p class=\"verse-para\"><sup class=\"vnum\" data-v=\"54\" onclick=\"loadParallel(1,7,9,54,&quot;Judges&quot;)\">54<\/sup><span class=\"vtext\">Qui vocavit cito armigerum suum, et ait ad eum: Evagina gladium tuum, et percute me, ne forte dicatur quod a femina interfectus sim. Qui jussa perficiens, interfecit eum.<\/span> <\/p>\n<p class=\"verse-para\"><sup class=\"vnum\" data-v=\"55\" onclick=\"loadParallel(1,7,9,55,&quot;Judges&quot;)\">55<\/sup><span class=\"vtext\">Illoque mortuo, omnes qui cum eo erant de Israël, reversi sunt in sedes suas:<\/span> <\/p>\n<p class=\"verse-para\"><sup class=\"vnum\" data-v=\"56\" onclick=\"loadParallel(1,7,9,56,&quot;Judges&quot;)\">56<\/sup><span class=\"vtext\">et reddidit Deus malum quod fecerat Abimelech contra patrem suum, interfectis septuaginta fratribus suis.<\/span> <\/p>\n<p class=\"verse-para\"><sup class=\"vnum\" data-v=\"57\" onclick=\"loadParallel(1,7,9,57,&quot;Judges&quot;)\">57<\/sup><span class=\"vtext\">Sichimitis quoque quod operati erant, retributum est, et venit super eos maledictio Joatham filii Jerobaal.<\/span> <\/p>\n<div class=\"bottom-nav\"><a href=\"\/vulgate\/1\/7\/8\" class=\"nav-btn-lg nav-ajax\">&lsaquo; Previous<\/a><a href=\"\/vulgate\/1\/7\/10\" class=\"nav-btn-lg nav-ajax\">Next &rsaquo;<\/a><\/div>\n","page_title":"Judges, Chapter 9 — Latin Vulgate","book_title":"Judges","toolbar_title":"Judges — Ch. 9","prev_url":"\/vulgate\/1\/7\/8","next_url":"\/vulgate\/1\/7\/10","tid":1,"book_id":7,"chapter":9,"num_chapters":21,"trans":"Vulgate","is_rtl":false,"strongs_data":{},"bsb_glosses":{},"book_name":"Judges","canonical_url":"https:\/\/accept.gift\/vulgate\/1\/7\/9","meta_desc":"Abiit autem Abimelech filius Jerobaal in Sichem ad fratres matris suæ, et locutus est ad eos, et ad omnem cognationem domus patris matris suæ, dicens: Loquim…"}