{"reader_html":"<h1 class=\"chapter-heading\">1 Samuel<span class=\"chapter-label\">Chapter 11<\/span><\/h1>\n<p class=\"verse-para\"><sup class=\"vnum\" data-v=\"1\" onclick=\"loadParallel(1,9,11,1,&quot;1 Samuel&quot;)\">1<\/sup><span class=\"vtext\">Et factum est quasi post mensem, ascendit Naas Ammonites, et pugnare cœpit adversum Jabes Galaad. Dixeruntque omnes viri Jabes ad Naas: Habeto nos fœderatos, et serviemus tibi.<\/span> <\/p>\n<p class=\"verse-para\"><sup class=\"vnum\" data-v=\"2\" onclick=\"loadParallel(1,9,11,2,&quot;1 Samuel&quot;)\">2<\/sup><span class=\"vtext\">Et respondit ad eos Naas Ammonites: In hoc feriam vobiscum fœdus, ut eruam omnium vestrum oculos dextros, ponamque vos opprobrium in universo Israël.<\/span> <\/p>\n<p class=\"verse-para\"><sup class=\"vnum\" data-v=\"3\" onclick=\"loadParallel(1,9,11,3,&quot;1 Samuel&quot;)\">3<\/sup><span class=\"vtext\">Et dixerunt ad eum seniores Jabes: Concede nobis septem dies, ut mittamus nuntios ad universos terminos Israël, et si non fuerit qui defendat nos, egrediemur ad te.<\/span> <\/p>\n<p class=\"verse-para\"><sup class=\"vnum\" data-v=\"4\" onclick=\"loadParallel(1,9,11,4,&quot;1 Samuel&quot;)\">4<\/sup><span class=\"vtext\">Venerunt ergo nuntii in Gabaa Saulis: et locuti sunt verba hæc, audiente populo: et levavit omnis populus vocem suam, et flevit.<\/span> <\/p>\n<p class=\"verse-para\"><sup class=\"vnum\" data-v=\"5\" onclick=\"loadParallel(1,9,11,5,&quot;1 Samuel&quot;)\">5<\/sup><span class=\"vtext\">Et ecce Saul veniebat, sequens boves de agro, et ait: Quid habet populus quod plorat? Et narraverunt ei verba virorum Jabes.<\/span> <\/p>\n<p class=\"verse-para\"><sup class=\"vnum\" data-v=\"6\" onclick=\"loadParallel(1,9,11,6,&quot;1 Samuel&quot;)\">6<\/sup><span class=\"vtext\">Et insilivit spiritus Domini in Saul cum audisset verba hæc, et iratus est furor ejus nimis.<\/span> <\/p>\n<p class=\"verse-para\"><sup class=\"vnum\" data-v=\"7\" onclick=\"loadParallel(1,9,11,7,&quot;1 Samuel&quot;)\">7<\/sup><span class=\"vtext\">Et assumens utrumque bovem, concidit in frustra, misitque in omnes terminos Israël per manum nuntiorum, dicens: Quicumque non exierit, et secutus fuerit Saul et Samuel, sic fiet bobus ejus. Invasit ergo timor Domini populum, et egressi sunt quasi vir unus.<\/span> <\/p>\n<p class=\"verse-para\"><sup class=\"vnum\" data-v=\"8\" onclick=\"loadParallel(1,9,11,8,&quot;1 Samuel&quot;)\">8<\/sup><span class=\"vtext\">Et recensuit eos in Bezech: fueruntque filiorum Israël trecenta millia, virorum autem Juda triginta millia.<\/span> <\/p>\n<p class=\"verse-para\"><sup class=\"vnum\" data-v=\"9\" onclick=\"loadParallel(1,9,11,9,&quot;1 Samuel&quot;)\">9<\/sup><span class=\"vtext\">Et dixerunt nuntiis qui venerant: Sic dicetis viris qui sunt in Jabes Galaad: Cras erit vobis salus, cum incaluerit sol. Venerunt ergo nuntii, et annuntiaverunt viris Jabes: qui lætati sunt.<\/span> <\/p>\n<p class=\"verse-para\"><sup class=\"vnum\" data-v=\"10\" onclick=\"loadParallel(1,9,11,10,&quot;1 Samuel&quot;)\">10<\/sup><span class=\"vtext\">Et dixerunt: Mane exibimus ad vos: et facietis nobis omne quod placuerit vobis.<\/span> <\/p>\n<p class=\"verse-para\"><sup class=\"vnum\" data-v=\"11\" onclick=\"loadParallel(1,9,11,11,&quot;1 Samuel&quot;)\">11<\/sup><span class=\"vtext\">Et factum est, cum dies crastinus venisset, constituit Saul populum in tres partes: et ingressus est media castra in vigilia matutina, et percussit Ammon usque dum incalesceret dies: reliqui autem dispersi sunt, ita ut non relinquerentur in eis duo pariter.<\/span> <\/p>\n<p class=\"verse-para\"><sup class=\"vnum\" data-v=\"12\" onclick=\"loadParallel(1,9,11,12,&quot;1 Samuel&quot;)\">12<\/sup><span class=\"vtext\">Et ait populus ad Samuelem: Quis est iste qui dixit: Saul num regnabit super nos? Date viros, et interficiemus eos.<\/span> <\/p>\n<p class=\"verse-para\"><sup class=\"vnum\" data-v=\"13\" onclick=\"loadParallel(1,9,11,13,&quot;1 Samuel&quot;)\">13<\/sup><span class=\"vtext\">Et ait Saul: Non occidetur quisquam in die hac, quia hodie fecit Dominus salutem in Israël.<\/span> <\/p>\n<p class=\"verse-para\"><sup class=\"vnum\" data-v=\"14\" onclick=\"loadParallel(1,9,11,14,&quot;1 Samuel&quot;)\">14<\/sup><span class=\"vtext\">Dixit autem Samuel ad populum: Venite, et eamus in Galgala, et innovemus ibi regnum.<\/span> <\/p>\n<p class=\"verse-para\"><sup class=\"vnum\" data-v=\"15\" onclick=\"loadParallel(1,9,11,15,&quot;1 Samuel&quot;)\">15<\/sup><span class=\"vtext\">Et perrexit omnis populus in Galgala, et fecerunt ibi regem Saul coram Domino in Galgala, et immolaverunt ibi victimas pacificas coram Domino. Et lætatus est ibi Saul, et cuncti viri Israël nimis.<\/span> <\/p>\n<div class=\"bottom-nav\"><a href=\"\/vulgate\/1\/9\/10\" class=\"nav-btn-lg nav-ajax\">&lsaquo; Previous<\/a><a href=\"\/vulgate\/1\/9\/12\" class=\"nav-btn-lg nav-ajax\">Next &rsaquo;<\/a><\/div>\n","page_title":"1 Samuel, Chapter 11 — Latin Vulgate","book_title":"1 Samuel","toolbar_title":"1 Samuel — Ch. 11","prev_url":"\/vulgate\/1\/9\/10","next_url":"\/vulgate\/1\/9\/12","tid":1,"book_id":9,"chapter":11,"num_chapters":31,"trans":"Vulgate","is_rtl":false,"strongs_data":{},"bsb_glosses":{},"book_name":"1 Samuel","canonical_url":"https:\/\/accept.gift\/vulgate\/1\/9\/11","meta_desc":"Et factum est quasi post mensem, ascendit Naas Ammonites, et pugnare cœpit adversum Jabes Galaad. Dixeruntque omnes viri Jabes ad Naas: Habeto nos fœderatos,…"}