{"reader_html":"<h1 class=\"chapter-heading\">1 Samuel<span class=\"chapter-label\">Chapter 14<\/span><\/h1>\n<p class=\"verse-para\"><sup class=\"vnum\" data-v=\"1\" onclick=\"loadParallel(1,9,14,1,&quot;1 Samuel&quot;)\">1<\/sup><span class=\"vtext\">Et accidit quadam die ut diceret Jonathas filius Saul ad adolescentem armigerum suum: Veni, et transeamus ad stationem Philisthinorum, quæ est trans locum illum. Patri autem suo hoc ipsum non indicavit.<\/span> <\/p>\n<p class=\"verse-para\"><sup class=\"vnum\" data-v=\"2\" onclick=\"loadParallel(1,9,14,2,&quot;1 Samuel&quot;)\">2<\/sup><span class=\"vtext\">Porro Saul morabatur in extrema parte Gabaa sub malogranato, quæ erat in Magron: et erat populus cum eo quasi sexcentorum virorum.<\/span> <\/p>\n<p class=\"verse-para\"><sup class=\"vnum\" data-v=\"3\" onclick=\"loadParallel(1,9,14,3,&quot;1 Samuel&quot;)\">3<\/sup><span class=\"vtext\">Et Achias filius Achitob fratris Ichabod filii Phinees, qui ortus fuerat ex Heli sacerdote Domini in Silo, portabat ephod. Sed et populus ignorabat quo isset Jonathas.<\/span> <\/p>\n<p class=\"verse-para\"><sup class=\"vnum\" data-v=\"4\" onclick=\"loadParallel(1,9,14,4,&quot;1 Samuel&quot;)\">4<\/sup><span class=\"vtext\">Erant autem inter ascensus per quos nitebatur Jonathas transire ad stationem Philisthinorum, eminentes petræ ex utraque parte, et quasi in modum dentium scopuli hinc et inde prærupti: nomen uni Boses, et nomen alteri Sene:<\/span> <\/p>\n<p class=\"verse-para\"><sup class=\"vnum\" data-v=\"5\" onclick=\"loadParallel(1,9,14,5,&quot;1 Samuel&quot;)\">5<\/sup><span class=\"vtext\">unus scopulus prominens ad aquilonem ex adverso Machmas, et alter ad meridiem contra Gabaa.<\/span> <\/p>\n<p class=\"verse-para\"><sup class=\"vnum\" data-v=\"6\" onclick=\"loadParallel(1,9,14,6,&quot;1 Samuel&quot;)\">6<\/sup><span class=\"vtext\">Dixit autem Jonathas ad adolescentem armigerum suum: Veni, transeamus ad stationem incircumcisorum horum, si forte faciat Dominus pro nobis: quia non est Domino difficile salvare, vel in multis, vel in paucis.<\/span> <\/p>\n<p class=\"verse-para\"><sup class=\"vnum\" data-v=\"7\" onclick=\"loadParallel(1,9,14,7,&quot;1 Samuel&quot;)\">7<\/sup><span class=\"vtext\">Dixitque ei armiger suus: Fac omnia quæ placent animo tuo: perge quo cupis, et ero tecum ubicumque volueris.<\/span> <\/p>\n<p class=\"verse-para\"><sup class=\"vnum\" data-v=\"8\" onclick=\"loadParallel(1,9,14,8,&quot;1 Samuel&quot;)\">8<\/sup><span class=\"vtext\">Et ait Jonathas: Ecce nos transimus ad viros istos. Cumque apparuerimus eis,<\/span> <\/p>\n<p class=\"verse-para\"><sup class=\"vnum\" data-v=\"9\" onclick=\"loadParallel(1,9,14,9,&quot;1 Samuel&quot;)\">9<\/sup><span class=\"vtext\">si taliter locuti fuerint ad nos: Manete donec veniamus ad vos: stemus in loco nostro, nec ascendamus ad eos.<\/span> <\/p>\n<p class=\"verse-para\"><sup class=\"vnum\" data-v=\"10\" onclick=\"loadParallel(1,9,14,10,&quot;1 Samuel&quot;)\">10<\/sup><span class=\"vtext\">Si autem dixerint: Ascendite ad nos: ascendamus, quia tradidit eos Dominus in manibus nostris: hoc erit nobis signum.<\/span> <\/p>\n<p class=\"verse-para\"><sup class=\"vnum\" data-v=\"11\" onclick=\"loadParallel(1,9,14,11,&quot;1 Samuel&quot;)\">11<\/sup><span class=\"vtext\">Apparuit igitur uterque stationi Philisthinorum: dixeruntque Philisthiim: En Hebræi egrediuntur de cavernis in quibus absconditi fuerant.<\/span> <\/p>\n<p class=\"verse-para\"><sup class=\"vnum\" data-v=\"12\" onclick=\"loadParallel(1,9,14,12,&quot;1 Samuel&quot;)\">12<\/sup><span class=\"vtext\">Et locuti sunt viri de statione ad Jonathan et ad armigerum ejus, dixeruntque: Ascendite ad nos, et ostendemus vobis rem. Et ait Jonathas ad armigerum suum: Ascendamus: sequere me: tradidit enim Dominus eos in manus Israël.<\/span> <\/p>\n<p class=\"verse-para\"><sup class=\"vnum\" data-v=\"13\" onclick=\"loadParallel(1,9,14,13,&quot;1 Samuel&quot;)\">13<\/sup><span class=\"vtext\">Ascendit autem Jonathas manibus et pedibus reptans, et armiger ejus post eum. Itaque alii cadebant ante Jonathan, alios armiger ejus interficiebat sequens eum.<\/span> <\/p>\n<p class=\"verse-para\"><sup class=\"vnum\" data-v=\"14\" onclick=\"loadParallel(1,9,14,14,&quot;1 Samuel&quot;)\">14<\/sup><span class=\"vtext\">Et facta est plaga prima qua percussit Jonathas et armiger ejus, quasi viginti virorum in media parte jugeri quam par boum in die arare consuevit.<\/span> <\/p>\n<p class=\"verse-para\"><sup class=\"vnum\" data-v=\"15\" onclick=\"loadParallel(1,9,14,15,&quot;1 Samuel&quot;)\">15<\/sup><span class=\"vtext\">Et factum est miraculum in castris per agros: sed et omnis populus stationis eorum qui ierant ad prædandum, obstupuit, et conturbata est terra: et accidit quasi miraculum a Deo.<\/span> <\/p>\n<p class=\"verse-para\"><sup class=\"vnum\" data-v=\"16\" onclick=\"loadParallel(1,9,14,16,&quot;1 Samuel&quot;)\">16<\/sup><span class=\"vtext\">Et respexerunt speculatores Saul qui erant in Gabaa Benjamin, et ecce multitudo prostrata, et huc illucque diffugiens.<\/span> <\/p>\n<p class=\"verse-para\"><sup class=\"vnum\" data-v=\"17\" onclick=\"loadParallel(1,9,14,17,&quot;1 Samuel&quot;)\">17<\/sup><span class=\"vtext\">Et ait Saul populo qui erat cum eo: Requirite, et videte quis abierit ex nobis. Cumque requisissent, repertum est non adesse Jonathan et armigerum ejus.<\/span> <\/p>\n<p class=\"verse-para\"><sup class=\"vnum\" data-v=\"18\" onclick=\"loadParallel(1,9,14,18,&quot;1 Samuel&quot;)\">18<\/sup><span class=\"vtext\">Et ait Saul ad Achiam: Applica arcam Dei. (Erat enim ibi arca Dei in die illa cum filiis Israël.)<\/span> <\/p>\n<p class=\"verse-para\"><sup class=\"vnum\" data-v=\"19\" onclick=\"loadParallel(1,9,14,19,&quot;1 Samuel&quot;)\">19<\/sup><span class=\"vtext\">Cumque loqueretur Saul ad sacerdotem, tumultus magnus exortus est in castris Philisthinorum: crescebatque paulatim, et clarius resonabat. Et ait Saul ad sacerdotem: Contrahe manum tuam.<\/span> <\/p>\n<p class=\"verse-para\"><sup class=\"vnum\" data-v=\"20\" onclick=\"loadParallel(1,9,14,20,&quot;1 Samuel&quot;)\">20<\/sup><span class=\"vtext\">Conclamavit ergo Saul, et omnis populus qui erat cum eo, et venerunt usque ad locum certaminis: et ecce versus fuerat gladius uniuscujusque ad proximum suum, et cædes magna nimis.<\/span> <\/p>\n<p class=\"verse-para\"><sup class=\"vnum\" data-v=\"21\" onclick=\"loadParallel(1,9,14,21,&quot;1 Samuel&quot;)\">21<\/sup><span class=\"vtext\">Sed et Hebræi qui fuerant cum Philisthiim heri et nudiustertius, ascenderantque cum eis in castris, reversi sunt ut essent cum Israël qui erant cum Saul et Jonatha.<\/span> <\/p>\n<p class=\"verse-para\"><sup class=\"vnum\" data-v=\"22\" onclick=\"loadParallel(1,9,14,22,&quot;1 Samuel&quot;)\">22<\/sup><span class=\"vtext\">Omnes quoque Israëlitæ qui se absconderant in monte Ephraim, audientes quod fugissent Philisthæi, sociaverunt se cum suis in prælio. Et erant cum Saul quasi decem millia virorum.<\/span> <\/p>\n<p class=\"verse-para\"><sup class=\"vnum\" data-v=\"23\" onclick=\"loadParallel(1,9,14,23,&quot;1 Samuel&quot;)\">23<\/sup><span class=\"vtext\">Et salvavit Dominus in die illa Israël: pugna autem pervenit usque ad Bethaven.<\/span> <\/p>\n<p class=\"verse-para\"><sup class=\"vnum\" data-v=\"24\" onclick=\"loadParallel(1,9,14,24,&quot;1 Samuel&quot;)\">24<\/sup><span class=\"vtext\">Et viri Israël sociati sunt sibi in die illa: adjuravit autem Saul populum, dicens: Maledictus vir qui comederit panem usque ad vesperam, donec ulciscar de inimicis meis. Et non manducavit universus populus panem:<\/span> <\/p>\n<p class=\"verse-para\"><sup class=\"vnum\" data-v=\"25\" onclick=\"loadParallel(1,9,14,25,&quot;1 Samuel&quot;)\">25<\/sup><span class=\"vtext\">omneque terræ vulgus venit in saltum, in quo erat mel super faciem agri.<\/span> <\/p>\n<p class=\"verse-para\"><sup class=\"vnum\" data-v=\"26\" onclick=\"loadParallel(1,9,14,26,&quot;1 Samuel&quot;)\">26<\/sup><span class=\"vtext\">Ingressus est itaque populus saltum, et apparuit fluens mel, nullusque applicuit manum ad os suum: timebat enim populus juramentum.<\/span> <\/p>\n<p class=\"verse-para\"><sup class=\"vnum\" data-v=\"27\" onclick=\"loadParallel(1,9,14,27,&quot;1 Samuel&quot;)\">27<\/sup><span class=\"vtext\">Porro Jonathas non audierat cum adjuraret pater ejus populum: extenditque summitatem virgæ quam habebat in manu, et intinxit in favum mellis: et convertit manum suam ad os suum, et illuminati sunt oculi ejus.<\/span> <\/p>\n<p class=\"verse-para\"><sup class=\"vnum\" data-v=\"28\" onclick=\"loadParallel(1,9,14,28,&quot;1 Samuel&quot;)\">28<\/sup><span class=\"vtext\">Respondensque unus de populo, ait: Jurejurando constrinxit pater tuus populum, dicens: Maledictus vir qui comederit panem hodie. (Defecerat autem populus.)<\/span> <\/p>\n<p class=\"verse-para\"><sup class=\"vnum\" data-v=\"29\" onclick=\"loadParallel(1,9,14,29,&quot;1 Samuel&quot;)\">29<\/sup><span class=\"vtext\">Dixitque Jonathas: Turbavit pater meus terram: vidistis ipsi quia illuminati sunt oculi mei, eo quod gustaverim paululum de melle isto:<\/span> <\/p>\n<p class=\"verse-para\"><sup class=\"vnum\" data-v=\"30\" onclick=\"loadParallel(1,9,14,30,&quot;1 Samuel&quot;)\">30<\/sup><span class=\"vtext\">quanto magis si comedisset populus de præda inimicorum suorum, quam reperit? nonne major plaga facta fuisset in Philisthiim?<\/span> <\/p>\n<p class=\"verse-para\"><sup class=\"vnum\" data-v=\"31\" onclick=\"loadParallel(1,9,14,31,&quot;1 Samuel&quot;)\">31<\/sup><span class=\"vtext\">Percusserunt ergo in die illa Philisthæos a Machmis usque in Ajalon.~ Defatigatus est autem populus nimis:<\/span> <\/p>\n<p class=\"verse-para\"><sup class=\"vnum\" data-v=\"32\" onclick=\"loadParallel(1,9,14,32,&quot;1 Samuel&quot;)\">32<\/sup><span class=\"vtext\">et versus ad prædam tulit oves, et boves, et vitulos, et mactaverunt in terra: comeditque populus cum sanguine.<\/span> <\/p>\n<p class=\"verse-para\"><sup class=\"vnum\" data-v=\"33\" onclick=\"loadParallel(1,9,14,33,&quot;1 Samuel&quot;)\">33<\/sup><span class=\"vtext\">Nuntiaverunt autem Sauli dicentes quod populus peccasset Domino, comedens cum sanguine. Qui ait: Prævaricati estis: volvite ad me jam nunc saxum grande.<\/span> <\/p>\n<p class=\"verse-para\"><sup class=\"vnum\" data-v=\"34\" onclick=\"loadParallel(1,9,14,34,&quot;1 Samuel&quot;)\">34<\/sup><span class=\"vtext\">Et dixit Saul: Dispergimini in vulgus, et dicite eis ut adducat ad me unusquisque bovem suum et arietem, et occidite super istud, et vescimini, et non peccabitis Domino comedentes cum sanguine. Adduxit itaque omnis populus unusquisque bovem in manu sua usque ad noctem: et occiderunt ibi.<\/span> <\/p>\n<p class=\"verse-para\"><sup class=\"vnum\" data-v=\"35\" onclick=\"loadParallel(1,9,14,35,&quot;1 Samuel&quot;)\">35<\/sup><span class=\"vtext\">Ædificavit autem Saul altare Domino, tuncque primum cœpit ædificare altare Domino.<\/span> <\/p>\n<p class=\"verse-para\"><sup class=\"vnum\" data-v=\"36\" onclick=\"loadParallel(1,9,14,36,&quot;1 Samuel&quot;)\">36<\/sup><span class=\"vtext\">Et dixit Saul: Irruamus super Philisthæos nocte, et vastemus eos usque dum illucescat mane, nec relinquamus ex eis virum. Dixitque populus: Omne quod bonum videtur in oculis tuis, fac. Et ait sacerdos: Accedamus huc ad Deum.<\/span> <\/p>\n<p class=\"verse-para\"><sup class=\"vnum\" data-v=\"37\" onclick=\"loadParallel(1,9,14,37,&quot;1 Samuel&quot;)\">37<\/sup><span class=\"vtext\">Et consuluit Saul Dominum: Num persequar Philisthiim? si trades eos in manus Israël? Et non respondit ei in die illa.<\/span> <\/p>\n<p class=\"verse-para\"><sup class=\"vnum\" data-v=\"38\" onclick=\"loadParallel(1,9,14,38,&quot;1 Samuel&quot;)\">38<\/sup><span class=\"vtext\">Dixitque Saul: Applicate huc universos angulos populi: et scitote, et videte per quem acciderit peccatum hoc hodie.<\/span> <\/p>\n<p class=\"verse-para\"><sup class=\"vnum\" data-v=\"39\" onclick=\"loadParallel(1,9,14,39,&quot;1 Samuel&quot;)\">39<\/sup><span class=\"vtext\">Vivit Dominus salvator Israël, quia si per Jonathan filium meum factum est, absque retractione morietur. Ad quod nullus contradixit ei de omni populo.<\/span> <\/p>\n<p class=\"verse-para\"><sup class=\"vnum\" data-v=\"40\" onclick=\"loadParallel(1,9,14,40,&quot;1 Samuel&quot;)\">40<\/sup><span class=\"vtext\">Et ait ad universum Israël: Separamini vos in partem unam, et ego cum Jonatha filio meo ero in parte altera. Responditque populus ad Saul: Quod bonum videtur in oculis tuis, fac.<\/span> <\/p>\n<p class=\"verse-para\"><sup class=\"vnum\" data-v=\"41\" onclick=\"loadParallel(1,9,14,41,&quot;1 Samuel&quot;)\">41<\/sup><span class=\"vtext\">Et dixit Saul ad Dominum Deum Israël: Domine Deus Israël, da indicium: quid est quod non responderis servo tuo hodie? si in me, aut in Jonatha filio meo, est iniquitas hæc, da ostensionem: aut si hæc iniquitas est in populo tuo, da sanctitatem. Et deprehensus est Jonathas et Saul: populus autem exivit.<\/span> <\/p>\n<p class=\"verse-para\"><sup class=\"vnum\" data-v=\"42\" onclick=\"loadParallel(1,9,14,42,&quot;1 Samuel&quot;)\">42<\/sup><span class=\"vtext\">Et ait Saul: Mittite sortem inter me et inter Jonathan filium meum. Et captus est Jonathas.<\/span> <\/p>\n<p class=\"verse-para\"><sup class=\"vnum\" data-v=\"43\" onclick=\"loadParallel(1,9,14,43,&quot;1 Samuel&quot;)\">43<\/sup><span class=\"vtext\">Dixit autem Saul ad Jonathan: Indica mihi quid feceris. Et indicavit ei Jonathas, et ait: Gustans gustavi in summitate virgæ quæ erat in manu mea, paululum mellis, et ecce ego morior.<\/span> <\/p>\n<p class=\"verse-para\"><sup class=\"vnum\" data-v=\"44\" onclick=\"loadParallel(1,9,14,44,&quot;1 Samuel&quot;)\">44<\/sup><span class=\"vtext\">Et ait Saul: Hæc faciat mihi Deus, et hæc addat, quia morte morieris, Jonatha.<\/span> <\/p>\n<p class=\"verse-para\"><sup class=\"vnum\" data-v=\"45\" onclick=\"loadParallel(1,9,14,45,&quot;1 Samuel&quot;)\">45<\/sup><span class=\"vtext\">Dixitque populus ad Saul: Ergone Jonathas morietur, qui fecit salutem hanc magnam in Israël? hoc nefas est: vivit Dominus, si ceciderit capillus de capite ejus in terram, quia cum Deo operatus est hodie. Liberavit ergo populus Jonathan, ut non moreretur.<\/span> <\/p>\n<p class=\"verse-para\"><sup class=\"vnum\" data-v=\"46\" onclick=\"loadParallel(1,9,14,46,&quot;1 Samuel&quot;)\">46<\/sup><span class=\"vtext\">Recessitque Saul, nec persecutus est Philisthiim: porro Philisthiim abierunt in loca sua.<\/span> <\/p>\n<p class=\"verse-para\"><sup class=\"vnum\" data-v=\"47\" onclick=\"loadParallel(1,9,14,47,&quot;1 Samuel&quot;)\">47<\/sup><span class=\"vtext\">Et Saul, confirmato regno super Israël, pugnabat per circuitum adversum omnes inimicos ejus, contra Moab, et filios Ammon, et Edom, et reges Soba, et Philisthæos: et quocumque se verterat, superabat.<\/span> <\/p>\n<p class=\"verse-para\"><sup class=\"vnum\" data-v=\"48\" onclick=\"loadParallel(1,9,14,48,&quot;1 Samuel&quot;)\">48<\/sup><span class=\"vtext\">Congregatoque exercitu, percussit Amalec, et eruit Israël de manu vastatorum ejus.<\/span> <\/p>\n<p class=\"verse-para\"><sup class=\"vnum\" data-v=\"49\" onclick=\"loadParallel(1,9,14,49,&quot;1 Samuel&quot;)\">49<\/sup><span class=\"vtext\">Fuerunt autem filii Saul, Jonathas, et Jessui, et Melchisua: et nomina duarum filiarum ejus, nomen primogenitæ Merob, et nomen minoris Michol.<\/span> <\/p>\n<p class=\"verse-para\"><sup class=\"vnum\" data-v=\"50\" onclick=\"loadParallel(1,9,14,50,&quot;1 Samuel&quot;)\">50<\/sup><span class=\"vtext\">Et nomen uxoris Saul Achinoam filia Achimaas: et nomen principis militiæ ejus Abner filius Ner, patruelis Saul.<\/span> <\/p>\n<p class=\"verse-para\"><sup class=\"vnum\" data-v=\"51\" onclick=\"loadParallel(1,9,14,51,&quot;1 Samuel&quot;)\">51<\/sup><span class=\"vtext\">Porro Cis fuit pater Saul, et Ner pater Abner, filius Abiel.<\/span> <\/p>\n<p class=\"verse-para\"><sup class=\"vnum\" data-v=\"52\" onclick=\"loadParallel(1,9,14,52,&quot;1 Samuel&quot;)\">52<\/sup><span class=\"vtext\">Erat autem bellum potens adversum Philisthæos omnibus diebus Saul. Nam quemcumque viderat Saul virum fortem, et aptum ad prælium, sociabat eum sibi.<\/span> <\/p>\n<div class=\"bottom-nav\"><a href=\"\/vulgate\/1\/9\/13\" class=\"nav-btn-lg nav-ajax\">&lsaquo; Previous<\/a><a href=\"\/vulgate\/1\/9\/15\" class=\"nav-btn-lg nav-ajax\">Next &rsaquo;<\/a><\/div>\n","page_title":"1 Samuel, Chapter 14 — Latin Vulgate","book_title":"1 Samuel","toolbar_title":"1 Samuel — Ch. 14","prev_url":"\/vulgate\/1\/9\/13","next_url":"\/vulgate\/1\/9\/15","tid":1,"book_id":9,"chapter":14,"num_chapters":31,"trans":"Vulgate","is_rtl":false,"strongs_data":{},"bsb_glosses":{},"book_name":"1 Samuel","canonical_url":"https:\/\/accept.gift\/vulgate\/1\/9\/14","meta_desc":"Et accidit quadam die ut diceret Jonathas filius Saul ad adolescentem armigerum suum: Veni, et transeamus ad stationem Philisthinorum, quæ est trans locum il…"}