{"reader_html":"<h1 class=\"chapter-heading\">1 Samuel<span class=\"chapter-label\">Chapter 18<\/span><\/h1>\n<p class=\"verse-para\"><sup class=\"vnum\" data-v=\"1\" onclick=\"loadParallel(1,9,18,1,&quot;1 Samuel&quot;)\">1<\/sup><span class=\"vtext\">Et factum est cum complesset loqui ad Saul, anima Jonathæ conglutinata est animæ David, et dilexit eum Jonathas quasi animam suam.<\/span> <\/p>\n<p class=\"verse-para\"><sup class=\"vnum\" data-v=\"2\" onclick=\"loadParallel(1,9,18,2,&quot;1 Samuel&quot;)\">2<\/sup><span class=\"vtext\">Tulitque eum Saul in die illa, et non concessit ei ut reverteretur in domum patris sui.<\/span> <\/p>\n<p class=\"verse-para\"><sup class=\"vnum\" data-v=\"3\" onclick=\"loadParallel(1,9,18,3,&quot;1 Samuel&quot;)\">3<\/sup><span class=\"vtext\">Inierunt autem David et Jonathas fœdus: diligebat enim eum quasi animam suam.<\/span> <\/p>\n<p class=\"verse-para\"><sup class=\"vnum\" data-v=\"4\" onclick=\"loadParallel(1,9,18,4,&quot;1 Samuel&quot;)\">4<\/sup><span class=\"vtext\">Nam expoliavit se Jonathas tunica qua erat indutus, et dedit eam David, et reliqua vestimenta sua, usque ad gladium et arcum suum, et usque ad balteum.<\/span> <\/p>\n<p class=\"verse-para\"><sup class=\"vnum\" data-v=\"5\" onclick=\"loadParallel(1,9,18,5,&quot;1 Samuel&quot;)\">5<\/sup><span class=\"vtext\">Egrediebatur quoque David ad omnia quæcumque misisset eum Saul, et prudenter se agebat: posuitque eum Saul super viros belli, et acceptus erat in oculis universi populi, maximeque in conspectu famulorum Saul.<\/span> <\/p>\n<p class=\"verse-para\"><sup class=\"vnum\" data-v=\"6\" onclick=\"loadParallel(1,9,18,6,&quot;1 Samuel&quot;)\">6<\/sup><span class=\"vtext\">Porro cum reverteretur percusso Philisthæo David, egressæ sunt mulieres de universis urbibus Israël, cantantes, chorosque ducentes in occursum Saul regis, in tympanis lætitiæ, et in sistris.<\/span> <\/p>\n<p class=\"verse-para\"><sup class=\"vnum\" data-v=\"7\" onclick=\"loadParallel(1,9,18,7,&quot;1 Samuel&quot;)\">7<\/sup><span class=\"vtext\">Et præcinebant mulieres, ludentes, atque dicentes: Percussit Saul mille, et David decem millia.<\/span> <\/p>\n<p class=\"verse-para\"><sup class=\"vnum\" data-v=\"8\" onclick=\"loadParallel(1,9,18,8,&quot;1 Samuel&quot;)\">8<\/sup><span class=\"vtext\">Iratus est autem Saul nimis, et displicuit in oculis ejus sermo iste: dixitque: Dederunt David decem millia, et mihi mille dederunt: quid ei superest, nisi solum regnum?<\/span> <\/p>\n<p class=\"verse-para\"><sup class=\"vnum\" data-v=\"9\" onclick=\"loadParallel(1,9,18,9,&quot;1 Samuel&quot;)\">9<\/sup><span class=\"vtext\">Non rectis ergo oculis Saul aspiciebat David a die illa et deinceps.<\/span> <\/p>\n<p class=\"verse-para\"><sup class=\"vnum\" data-v=\"10\" onclick=\"loadParallel(1,9,18,10,&quot;1 Samuel&quot;)\">10<\/sup><span class=\"vtext\">Post diem autem alteram, invasit spiritus Dei malus Saul, et prophetabat in medio domus suæ: David autem psallebat manu sua, sicut per singulos dies. Tenebatque Saul lanceam,<\/span> <\/p>\n<p class=\"verse-para\"><sup class=\"vnum\" data-v=\"11\" onclick=\"loadParallel(1,9,18,11,&quot;1 Samuel&quot;)\">11<\/sup><span class=\"vtext\">et misit eam, putans quod configere posset David cum pariete: et declinavit David a facie ejus secundo.<\/span> <\/p>\n<p class=\"verse-para\"><sup class=\"vnum\" data-v=\"12\" onclick=\"loadParallel(1,9,18,12,&quot;1 Samuel&quot;)\">12<\/sup><span class=\"vtext\">Et timuit Saul David, eo quod Dominus esset cum eo, et a se recessisset.<\/span> <\/p>\n<p class=\"verse-para\"><sup class=\"vnum\" data-v=\"13\" onclick=\"loadParallel(1,9,18,13,&quot;1 Samuel&quot;)\">13<\/sup><span class=\"vtext\">Amovit ergo eum Saul a se, et fecit eum tribunum super mille viros: et egrediebatur, et intrabat in conspectu populi.<\/span> <\/p>\n<p class=\"verse-para\"><sup class=\"vnum\" data-v=\"14\" onclick=\"loadParallel(1,9,18,14,&quot;1 Samuel&quot;)\">14<\/sup><span class=\"vtext\">In omnibus quoque viis suis David prudenter agebat, et Dominus erat cum eo.<\/span> <\/p>\n<p class=\"verse-para\"><sup class=\"vnum\" data-v=\"15\" onclick=\"loadParallel(1,9,18,15,&quot;1 Samuel&quot;)\">15<\/sup><span class=\"vtext\">Vidit itaque Saul quod prudens esset nimis, et cœpit cavere eum.<\/span> <\/p>\n<p class=\"verse-para\"><sup class=\"vnum\" data-v=\"16\" onclick=\"loadParallel(1,9,18,16,&quot;1 Samuel&quot;)\">16<\/sup><span class=\"vtext\">Omnis autem Israël et Juda diligebat David: ipse enim ingrediebatur et egrediebatur ante eos.<\/span> <\/p>\n<p class=\"verse-para\"><sup class=\"vnum\" data-v=\"17\" onclick=\"loadParallel(1,9,18,17,&quot;1 Samuel&quot;)\">17<\/sup><span class=\"vtext\">Dixitque Saul ad David: Ecce filia mea major Merob: ipsam dabo tibi uxorem: tantummodo esto vir fortis, et præliare bella Domini. Saul autem reputabat, dicens: Non sit manus mea in eum, sed sit super eum manus Philisthinorum.<\/span> <\/p>\n<p class=\"verse-para\"><sup class=\"vnum\" data-v=\"18\" onclick=\"loadParallel(1,9,18,18,&quot;1 Samuel&quot;)\">18<\/sup><span class=\"vtext\">Ait autem David ad Saul: Quis ego sum, aut quæ est vita mea, aut cognatio patris mei in Israël, ut fiam gener regis?<\/span> <\/p>\n<p class=\"verse-para\"><sup class=\"vnum\" data-v=\"19\" onclick=\"loadParallel(1,9,18,19,&quot;1 Samuel&quot;)\">19<\/sup><span class=\"vtext\">Factum est autem tempus cum deberet dari Merob filia Saul David, data est Hadrieli Molathitæ uxor.<\/span> <\/p>\n<p class=\"verse-para\"><sup class=\"vnum\" data-v=\"20\" onclick=\"loadParallel(1,9,18,20,&quot;1 Samuel&quot;)\">20<\/sup><span class=\"vtext\">Dilexit autem David Michol filia Saul altera. Et nuntiatum est Saul, et placuit ei.<\/span> <\/p>\n<p class=\"verse-para\"><sup class=\"vnum\" data-v=\"21\" onclick=\"loadParallel(1,9,18,21,&quot;1 Samuel&quot;)\">21<\/sup><span class=\"vtext\">Dixitque Saul: Dabo eam illi, ut fiat ei in scandalum, et sit super eum manus Philisthinorum. Dixitque Saul ad David: In duabus rebus gener meus eris hodie.<\/span> <\/p>\n<p class=\"verse-para\"><sup class=\"vnum\" data-v=\"22\" onclick=\"loadParallel(1,9,18,22,&quot;1 Samuel&quot;)\">22<\/sup><span class=\"vtext\">Et mandavit Saul servis suis: Loquimini ad David clam me, dicentes: Ecce places regi, et omnes servi ejus diligunt te: nunc ergo esto gener regis.<\/span> <\/p>\n<p class=\"verse-para\"><sup class=\"vnum\" data-v=\"23\" onclick=\"loadParallel(1,9,18,23,&quot;1 Samuel&quot;)\">23<\/sup><span class=\"vtext\">Et locuti sunt servi Saul in auribus David omnia verba hæc. Et ait David: Num parum videtur vobis, generum esse regis? ego autem sum vir pauper et tenuis.<\/span> <\/p>\n<p class=\"verse-para\"><sup class=\"vnum\" data-v=\"24\" onclick=\"loadParallel(1,9,18,24,&quot;1 Samuel&quot;)\">24<\/sup><span class=\"vtext\">Et renuntiaverunt servi Saul dicentes: Hujuscemodi verba locutus est David.<\/span> <\/p>\n<p class=\"verse-para\"><sup class=\"vnum\" data-v=\"25\" onclick=\"loadParallel(1,9,18,25,&quot;1 Samuel&quot;)\">25<\/sup><span class=\"vtext\">Dixit autem Saul: Sic loquimini ad David: Non habet rex sponsalia necesse, nisi tantum centum præputia Philisthinorum, ut fiat ultio de inimicis regis. Porro Saul cogitabat tradere David in manus Philisthinorum.<\/span> <\/p>\n<p class=\"verse-para\"><sup class=\"vnum\" data-v=\"26\" onclick=\"loadParallel(1,9,18,26,&quot;1 Samuel&quot;)\">26<\/sup><span class=\"vtext\">Cumque renuntiassent servi ejus David verba quæ dixerat Saul, placuit sermo in oculis David, ut fieret gener regis.<\/span> <\/p>\n<p class=\"verse-para\"><sup class=\"vnum\" data-v=\"27\" onclick=\"loadParallel(1,9,18,27,&quot;1 Samuel&quot;)\">27<\/sup><span class=\"vtext\">Et post paucos dies surgens David, abiit cum viris qui sub eo erant. Et percussit ex Philisthiim ducentos viros, et attulit eorum præputia et annumeravit ea regi, ut esset gener ejus. Dedit itaque Saul ei Michol filiam suam uxorem.<\/span> <\/p>\n<p class=\"verse-para\"><sup class=\"vnum\" data-v=\"28\" onclick=\"loadParallel(1,9,18,28,&quot;1 Samuel&quot;)\">28<\/sup><span class=\"vtext\">Et vidit Saul, et intellexit quod Dominus esset cum David. Michol autem filia Saul diligebat eum.<\/span> <\/p>\n<p class=\"verse-para\"><sup class=\"vnum\" data-v=\"29\" onclick=\"loadParallel(1,9,18,29,&quot;1 Samuel&quot;)\">29<\/sup><span class=\"vtext\">Et Saul magis cœpit timere David: factusque est Saul inimicus David cunctis diebus.<\/span> <\/p>\n<p class=\"verse-para\"><sup class=\"vnum\" data-v=\"30\" onclick=\"loadParallel(1,9,18,30,&quot;1 Samuel&quot;)\">30<\/sup><span class=\"vtext\">Et egressi sunt principes Philisthinorum. A principio autem egressionis eorum, prudentius se gerebat David quam omnes servi Saul, et celebre factum est nomen ejus nimis.<\/span> <\/p>\n<div class=\"bottom-nav\"><a href=\"\/vulgate\/1\/9\/17\" class=\"nav-btn-lg nav-ajax\">&lsaquo; Previous<\/a><a href=\"\/vulgate\/1\/9\/19\" class=\"nav-btn-lg nav-ajax\">Next &rsaquo;<\/a><\/div>\n","page_title":"1 Samuel, Chapter 18 — Latin Vulgate","book_title":"1 Samuel","toolbar_title":"1 Samuel — Ch. 18","prev_url":"\/vulgate\/1\/9\/17","next_url":"\/vulgate\/1\/9\/19","tid":1,"book_id":9,"chapter":18,"num_chapters":31,"trans":"Vulgate","is_rtl":false,"strongs_data":{},"bsb_glosses":{},"book_name":"1 Samuel","canonical_url":"https:\/\/accept.gift\/vulgate\/1\/9\/18","meta_desc":"Et factum est cum complesset loqui ad Saul, anima Jonathæ conglutinata est animæ David, et dilexit eum Jonathas quasi animam suam. Tulitque eum Saul in die i…"}