{"reader_html":"<h1 class=\"chapter-heading\">1 Samuel<span class=\"chapter-label\">Chapter 22<\/span><\/h1>\n<p class=\"verse-para\"><sup class=\"vnum\" data-v=\"1\" onclick=\"loadParallel(1,9,22,1,&quot;1 Samuel&quot;)\">1<\/sup><span class=\"vtext\">Abiit ergo David inde, et fugit in speluncam Odollam. Quod cum audissent fratres ejus, et omnis domus patris ejus, descenderunt ad eum illuc.<\/span> <\/p>\n<p class=\"verse-para\"><sup class=\"vnum\" data-v=\"2\" onclick=\"loadParallel(1,9,22,2,&quot;1 Samuel&quot;)\">2<\/sup><span class=\"vtext\">Et convenerunt ad eum omnes qui erant in angustia constituti, et oppressi ære alieno, et amaro animo: et factus est eorum princeps, fueruntque cum eo quasi quadringenti viri.<\/span> <\/p>\n<p class=\"verse-para\"><sup class=\"vnum\" data-v=\"3\" onclick=\"loadParallel(1,9,22,3,&quot;1 Samuel&quot;)\">3<\/sup><span class=\"vtext\">Et profectus est David inde in Maspha, quæ est Moab: et dixit ad regem Moab: Maneat, oro, pater meus et mater mea vobiscum, donec sciam quid faciat mihi Deus.<\/span> <\/p>\n<p class=\"verse-para\"><sup class=\"vnum\" data-v=\"4\" onclick=\"loadParallel(1,9,22,4,&quot;1 Samuel&quot;)\">4<\/sup><span class=\"vtext\">Et reliquit eos ante faciem regis Moab: manseruntque apud eum cunctis diebus quibus David fuit in præsidio.<\/span> <\/p>\n<p class=\"verse-para\"><sup class=\"vnum\" data-v=\"5\" onclick=\"loadParallel(1,9,22,5,&quot;1 Samuel&quot;)\">5<\/sup><span class=\"vtext\">Dixitque Gad propheta ad David: Noli manere in præsidio: proficiscere, et vade in terram Juda. Et profectus est David, et venit in saltum Haret.<\/span> <\/p>\n<p class=\"verse-para\"><sup class=\"vnum\" data-v=\"6\" onclick=\"loadParallel(1,9,22,6,&quot;1 Samuel&quot;)\">6<\/sup><span class=\"vtext\">Et audivit Saul quod apparuisset David, et viri qui erant cum eo. Saul autem cum maneret in Gabaa, et esset in nemore quod est in Rama, hastam manu tenens, cunctique servi ejus circumstarent eum,<\/span> <\/p>\n<p class=\"verse-para\"><sup class=\"vnum\" data-v=\"7\" onclick=\"loadParallel(1,9,22,7,&quot;1 Samuel&quot;)\">7<\/sup><span class=\"vtext\">ait ad servos suos qui assistebant ei: Audite nunc, filii Jemini: numquid omnibus vobis dabit filius Isai agros et vineas, et universos vos faciet tribunos et centuriones?<\/span> <\/p>\n<p class=\"verse-para\"><sup class=\"vnum\" data-v=\"8\" onclick=\"loadParallel(1,9,22,8,&quot;1 Samuel&quot;)\">8<\/sup><span class=\"vtext\">quoniam conjurastis omnes adversum me, et non est qui mihi renuntiet, maxime cum et filius meus fœdus inierit cum filio Isai. Non est qui vicem meam doleat ex vobis, nec qui annuntiet mihi: eo quod suscitaverit filius meus servum meum adversum me, insidiantem mihi usque hodie.<\/span> <\/p>\n<p class=\"verse-para\"><sup class=\"vnum\" data-v=\"9\" onclick=\"loadParallel(1,9,22,9,&quot;1 Samuel&quot;)\">9<\/sup><span class=\"vtext\">Respondens autem Doëg Idumæus, qui assistebat, et erat primus inter servos Saul: Vidi, inquit, filium Isai in Nobe apud Achimelech filium Achitob sacerdotem.<\/span> <\/p>\n<p class=\"verse-para\"><sup class=\"vnum\" data-v=\"10\" onclick=\"loadParallel(1,9,22,10,&quot;1 Samuel&quot;)\">10<\/sup><span class=\"vtext\">Qui consuluit pro eo Dominum, et cibaria dedit ei: sed et gladium Goliath Philisthæi dedit illi.<\/span> <\/p>\n<p class=\"verse-para\"><sup class=\"vnum\" data-v=\"11\" onclick=\"loadParallel(1,9,22,11,&quot;1 Samuel&quot;)\">11<\/sup><span class=\"vtext\">Misit ergo rex ad accersendum Achimelech sacerdotem filium Achitob, et omnem domum patris ejus, sacerdotum qui erant in Nobe, qui universi venerunt ad regem.<\/span> <\/p>\n<p class=\"verse-para\"><sup class=\"vnum\" data-v=\"12\" onclick=\"loadParallel(1,9,22,12,&quot;1 Samuel&quot;)\">12<\/sup><span class=\"vtext\">Et ait Saul ad Achimelech: Audi, fili Achitob. Qui respondit: Præsto sum, domine.<\/span> <\/p>\n<p class=\"verse-para\"><sup class=\"vnum\" data-v=\"13\" onclick=\"loadParallel(1,9,22,13,&quot;1 Samuel&quot;)\">13<\/sup><span class=\"vtext\">Dixitque ad eum Saul: Quare conjurastis adversum me, tu et filius Isai, et dedisti ei panes et gladium, et consuluisti pro eo Deum, ut consurgeret adversum me, insidiator usque hodie permanens?<\/span> <\/p>\n<p class=\"verse-para\"><sup class=\"vnum\" data-v=\"14\" onclick=\"loadParallel(1,9,22,14,&quot;1 Samuel&quot;)\">14<\/sup><span class=\"vtext\">Respondensque Achimelech regi, ait: Et quis in omnibus servis tuis sicut David, fidelis, et gener regis, et pergens ad imperium tuum, et gloriosus in domo tua?<\/span> <\/p>\n<p class=\"verse-para\"><sup class=\"vnum\" data-v=\"15\" onclick=\"loadParallel(1,9,22,15,&quot;1 Samuel&quot;)\">15<\/sup><span class=\"vtext\">num hodie cœpi pro eo consulere Deum? absit hoc a me: ne suspicetur rex adversus servum suum rem hujuscemodi, in universa domo patris mei: non enim scivit servus tuus quidquam super hoc negotio, vel modicum vel grande.<\/span> <\/p>\n<p class=\"verse-para\"><sup class=\"vnum\" data-v=\"16\" onclick=\"loadParallel(1,9,22,16,&quot;1 Samuel&quot;)\">16<\/sup><span class=\"vtext\">Dixitque rex: Morte morieris Achimelech, tu et omnis domus patris tui.<\/span> <\/p>\n<p class=\"verse-para\"><sup class=\"vnum\" data-v=\"17\" onclick=\"loadParallel(1,9,22,17,&quot;1 Samuel&quot;)\">17<\/sup><span class=\"vtext\">Et ait rex emissariis qui circumstabant eum: Convertimini, et interficite sacerdotes Domini, nam manus eorum cum David est: scientes quod fugisset, et non indicaverunt mihi. Noluerunt autem servi regis extendere manus suas in sacerdotes Domini.<\/span> <\/p>\n<p class=\"verse-para\"><sup class=\"vnum\" data-v=\"18\" onclick=\"loadParallel(1,9,22,18,&quot;1 Samuel&quot;)\">18<\/sup><span class=\"vtext\">Et ait rex ad Doëg: Convertere tu, et irrue in sacerdotes. Conversusque Doëg Idumæus, irruit in sacerdotes, et trucidavit in die illa octoginta quinque viros vestitos ephod lineo.<\/span> <\/p>\n<p class=\"verse-para\"><sup class=\"vnum\" data-v=\"19\" onclick=\"loadParallel(1,9,22,19,&quot;1 Samuel&quot;)\">19<\/sup><span class=\"vtext\">Nobe autem civitatem sacerdotum percussit in ore gladii, viros et mulieres, et parvulos et lactentes, bovemque, et asinum, et ovem in ore gladii.<\/span> <\/p>\n<p class=\"verse-para\"><sup class=\"vnum\" data-v=\"20\" onclick=\"loadParallel(1,9,22,20,&quot;1 Samuel&quot;)\">20<\/sup><span class=\"vtext\">Evadens autem unus filius Achimelech filii Achitob, cujus nomen erat Abiathar, fugit ad David,<\/span> <\/p>\n<p class=\"verse-para\"><sup class=\"vnum\" data-v=\"21\" onclick=\"loadParallel(1,9,22,21,&quot;1 Samuel&quot;)\">21<\/sup><span class=\"vtext\">et annuntiavit ei quod occidisset Saul sacerdotes Domini.<\/span> <\/p>\n<p class=\"verse-para\"><sup class=\"vnum\" data-v=\"22\" onclick=\"loadParallel(1,9,22,22,&quot;1 Samuel&quot;)\">22<\/sup><span class=\"vtext\">Et ait David ad Abiathar: Sciebam in die illa quod cum ibi esset Doëg Idumæus, procul dubio annuntiaret Sauli: ego sum reus omnium animarum patris tui.<\/span> <\/p>\n<p class=\"verse-para\"><sup class=\"vnum\" data-v=\"23\" onclick=\"loadParallel(1,9,22,23,&quot;1 Samuel&quot;)\">23<\/sup><span class=\"vtext\">Mane mecum: ne timeas: si quis quæsierit animam meam, quæret et animam tuam, mecumque servaberis.<\/span> <\/p>\n<div class=\"bottom-nav\"><a href=\"\/vulgate\/1\/9\/21\" class=\"nav-btn-lg nav-ajax\">&lsaquo; Previous<\/a><a href=\"\/vulgate\/1\/9\/23\" class=\"nav-btn-lg nav-ajax\">Next &rsaquo;<\/a><\/div>\n","page_title":"1 Samuel, Chapter 22 — Latin Vulgate","book_title":"1 Samuel","toolbar_title":"1 Samuel — Ch. 22","prev_url":"\/vulgate\/1\/9\/21","next_url":"\/vulgate\/1\/9\/23","tid":1,"book_id":9,"chapter":22,"num_chapters":31,"trans":"Vulgate","is_rtl":false,"strongs_data":{},"bsb_glosses":{},"book_name":"1 Samuel","canonical_url":"https:\/\/accept.gift\/vulgate\/1\/9\/22","meta_desc":"Abiit ergo David inde, et fugit in speluncam Odollam. Quod cum audissent fratres ejus, et omnis domus patris ejus, descenderunt ad eum illuc. Et convenerunt…"}