1<\/sup>Et factum est, cum consummasset Jesus, præcipiens duodecim discipulis suis, transiit inde ut doceret, et prædicaret in civitatibus eorum.<\/span> <\/p>\n 2<\/sup>Joannes autem cum audisset in vinculis opera Christi, mittens duos de discipulis suis,<\/span> <\/p>\n 3<\/sup>ait illi: Tu es, qui venturus es, an alium exspectamus?<\/span> <\/p>\n 4<\/sup>Et respondens Jesus ait illis: Euntes renuntiate Joanni quæ audistis, et vidistis.<\/span> <\/p>\n 5<\/sup>Cæci vident, claudi ambulant, leprosi mundantur, surdi audiunt, mortui resurgunt, pauperes evangelizantur:<\/span> <\/p>\n 6<\/sup>et beatus est, qui non fuerit scandalizatus in me.<\/span> <\/p>\n 7<\/sup>Illis autem abeuntibus, cœpit Jesus dicere ad turbas de Joanne: Quid existis in desertum videre? arundinem vento agitatam?<\/span> <\/p>\n 8<\/sup>Sed quid existis videre? hominem mollibus vestitum? Ecce qui mollibus vestiuntur, in domibus regum sunt.<\/span> <\/p>\n 9<\/sup>Sed quid existis videre? prophetam? Etiam dico vobis, et plus quam prophetam.<\/span> <\/p>\n 10<\/sup>Hic est enim de quo scriptum est: Ecce ego mitto angelum meum ante faciem tuam, qui præparabit viam tuam ante te.<\/span> <\/p>\n 11<\/sup>Amen dico vobis, non surrexit inter natos mulierum major Joanne Baptista: qui autem minor est in regno cælorum, major est illo.<\/span> <\/p>\n 12<\/sup>A diebus autem Joannis Baptistæ usque nunc, regnum cælorum vim patitur, et violenti rapiunt illud.<\/span> <\/p>\n 13<\/sup>Omnes enim prophetæ et lex usque ad Joannem prophetaverunt:<\/span> <\/p>\n 14<\/sup>et si vultis recipere, ipse est Elias, qui venturus est.<\/span> <\/p>\n 15<\/sup>Qui habet aures audiendi, audiat.<\/span> <\/p>\n 16<\/sup>Cui autem similem æstimabo generationem istam? Similis est pueris sedentibus in foro: qui clamantes coæqualibus<\/span> <\/p>\n 17<\/sup>dicunt: Cecinimus vobis, et non saltastis: lamentavimus, et non planxistis.<\/span> <\/p>\n 18<\/sup>Venit enim Joannes neque manducans, neque bibens, et dicunt: Dæmonium habet.<\/span> <\/p>\n 19<\/sup>Venit Filius hominis manducans, et bibens, et dicunt: Ecce homo vorax, et potator vini, publicanorum et peccatorum amicus. Et justificata est sapientia a filiis suis.<\/span> <\/p>\n 20<\/sup>Tunc cœpit exprobrare civitatibus, in quibus factæ sunt plurimæ virtutes ejus, quia non egissent pœnitentiam:<\/span> <\/p>\n 21<\/sup>Væ tibi Corozain, væ tibi Bethsaida: quia, si in Tyro et Sidone factæ essent virtutes quæ factæ sunt in vobis, olim in cilicio et cinere pœnitentiam egissent.<\/span> <\/p>\n 22<\/sup>Verumtamen dico vobis: Tyro et Sidoni remissius erit in die judicii, quam vobis.<\/span> <\/p>\n 23<\/sup>Et tu Capharnaum, numquid usque in cælum exaltaberis? usque in infernum descendes, quia si in Sodomis factæ fuissent virtutes quæ factæ sunt in te, forte mansissent usque in hanc diem.<\/span> <\/p>\n 24<\/sup>Verumtamen dico vobis, quia terræ Sodomorum remissius erit in die judicii, quam tibi.<\/span> <\/p>\n 25<\/sup>In illo tempore respondens Jesus dixit: Confiteor tibi, Pater, Domine cæli et terræ, quia abscondisti hæc a sapientibus, et prudentibus, et revelasti ea parvulis.<\/span> <\/p>\n 26<\/sup>Ita Pater: quoniam sic fuit placitum ante te.<\/span> <\/p>\n 27<\/sup>Omnia mihi tradita sunt a Patre meo. Et nemo novit Filium, nisi Pater: neque Patrem quis novit, nisi Filius, et cui voluerit Filius revelare.<\/span> <\/p>\n 28<\/sup>Venite ad me omnes qui laboratis, et onerati estis, et ego reficiam vos.<\/span> <\/p>\n 29<\/sup>Tollite jugum meum super vos, et discite a me, quia mitis sum, et humilis corde: et invenietis requiem animabus vestris.<\/span> <\/p>\n 30<\/sup>Jugum enim meum suave est, et onus meum leve.<\/span> <\/p>\n