1<\/sup>Et accesserunt ad eum pharisæi et sadducæi tentantes: et rogaverunt eum ut signum de cælo ostenderet eis.<\/span> <\/p>\n 2<\/sup>At ille respondens, ait illis: Facto vespere dicitis: Serenum erit, rubicundum est enim cælum.<\/span> <\/p>\n 3<\/sup>Et mane: Hodie tempestas, rutilat enim triste cælum.<\/span> <\/p>\n 4<\/sup>Faciem ergo cæli dijudicare nostis: signa autem temporum non potestis scire? Generatio mala et adultera signum quærit: et signum non dabitur ei, nisi signum Jonæ prophetæ. Et relictis illis, abiit.<\/span> <\/p>\n 5<\/sup>Et cum venissent discipuli ejus trans fretum, obliti sunt panes accipere.<\/span> <\/p>\n 6<\/sup>Qui dixit illis: Intuemini, et cavete a fermento pharisæorum et sadducæorum.<\/span> <\/p>\n 7<\/sup>At illi cogitabant intra se dicentes: Quia panes non accepimus.<\/span> <\/p>\n 8<\/sup>Sciens autem Jesus, dixit: Quid cogitatis intra vos modicæ fidei, quia panes non habetis?<\/span> <\/p>\n 9<\/sup>Nondum intelligitis, neque recordamini quinque panum in quinque millia hominum, et quot cophinos sumpsistis?<\/span> <\/p>\n 10<\/sup>neque septem panum in quatuor millia hominum, et quot sportas sumpsistis?<\/span> <\/p>\n 11<\/sup>Quare non intelligitis, quia non de pane dixi vobis: Cavete a fermento pharisæorum et sadducæorum?<\/span> <\/p>\n 12<\/sup>Tunc intellexerunt quia non dixerit cavendum a fermento panum, sed a doctrina pharisæorum et sadducæorum.<\/span> <\/p>\n 13<\/sup>Venit autem Jesus in partes Cæsareæ Philippi: et interrogabat discipulos suos, dicens: Quem dicunt homines esse Filium hominis?<\/span> <\/p>\n 14<\/sup>At illi dixerunt: Alii Joannem Baptistam, alii autem Eliam, alii vero Jeremiam, aut unum ex prophetis.<\/span> <\/p>\n 15<\/sup>Dicit illis Jesus: Vos autem, quem me esse dicitis?<\/span> <\/p>\n 16<\/sup>Respondens Simon Petrus dixit: Tu es Christus, Filius Dei vivi.<\/span> <\/p>\n 17<\/sup>Respondens autem Jesus, dixit ei: Beatus es Simon Bar Jona: quia caro et sanguis non revelavit tibi, sed Pater meus, qui in cælis est.<\/span> <\/p>\n 18<\/sup>Et ego dico tibi, quia tu es Petrus, et super hanc petram ædificabo Ecclesiam meam, et portæ inferi non prævalebunt adversus eam.<\/span> <\/p>\n 19<\/sup>Et tibi dabo claves regni cælorum. Et quodcumque ligaveris super terram, erit ligatum et in cælis: et quodcumque solveris super terram, erit solutum et in cælis.<\/span> <\/p>\n 20<\/sup>Tunc præcepit discipulis suis ut nemini dicerent quia ipse esset Jesus Christus.<\/span> <\/p>\n 21<\/sup>Exinde cœpit Jesus ostendere discipulis suis, quia oporteret eum ire Jerosolymam, et multa pati a senioribus, et scribis, et principibus sacerdotum, et occidi, et tertia die resurgere.<\/span> <\/p>\n 22<\/sup>Et assumens eum Petrus, cœpit increpare illum dicens: Absit a te, Domine: non erit tibi hoc.<\/span> <\/p>\n 23<\/sup>Qui conversus, dixit Petro: Vade post me Satana, scandalum es mihi: quia non sapis ea quæ Dei sunt, sed ea quæ hominum.<\/span> <\/p>\n 24<\/sup>Tunc Jesus dixit discipulis suis: Si quis vult post me venire, abneget semetipsum, et tollat crucem suam, et sequatur me.<\/span> <\/p>\n 25<\/sup>Qui enim voluerit animam suam salvam facere, perdet eam: qui autem perdiderit animam suam propter me, inveniet eam.<\/span> <\/p>\n 26<\/sup>Quid enim prodest homini, si mundum universum lucretur, animæ vero suæ detrimentum patiatur? aut quam dabit homo commutationem pro anima sua?<\/span> <\/p>\n 27<\/sup>Filius enim hominis venturus est in gloria Patris sui cum angelis suis: et tunc reddet unicuique secundum opera ejus.<\/span> <\/p>\n 28<\/sup>Amen dico vobis, sunt quidam de hic stantibus, qui non gustabunt mortem, donec videant Filium hominis venientem in regno suo.<\/span> <\/p>\n