1<\/sup>Et egressus Jesus de templo, ibat. Et accesserunt discipuli ejus, ut ostenderent ei ædificationes templi.<\/span> <\/p>\n 2<\/sup>Ipse autem respondens dixit illis: Videtis hæc omnia? amen dico vobis, non relinquetur hic lapis super lapidem, qui non destruatur.<\/span> <\/p>\n 3<\/sup>Sedente autem eo super montem Oliveti, accesserunt ad eum discipuli secreto, dicentes: Dic nobis, quando hæc erunt? et quod signum adventus tui, et consummationis sæculi?<\/span> <\/p>\n 4<\/sup>Et respondens Jesus, dixit eis: Videte ne quis vos seducat:<\/span> <\/p>\n 5<\/sup>multi enim venient in nomine meo, dicentes: Ego sum Christus: et multos seducent.<\/span> <\/p>\n 6<\/sup>Audituri enim estis prælia, et opiniones præliorum. Videte ne turbemini: oportet enim hæc fieri, sed nondum est finis:<\/span> <\/p>\n 7<\/sup>consurget enim gens in gentem, et regnum in regnum, et erunt pestilentiæ, et fames, et terræmotus per loca:<\/span> <\/p>\n 8<\/sup>hæc autem omnia initia sunt dolorum.<\/span> <\/p>\n 9<\/sup>Tunc tradent vos in tribulationem, et occident vos: et eritis odio omnibus gentibus propter nomen meum.<\/span> <\/p>\n 10<\/sup>Et tunc scandalizabuntur multi, et invicem tradent, et odio habebunt invicem.<\/span> <\/p>\n 11<\/sup>Et multi pseudoprophetæ surgent, et seducent multos.<\/span> <\/p>\n 12<\/sup>Et quoniam abundavit iniquitas, refrigescet caritas multorum:<\/span> <\/p>\n 13<\/sup>qui autem perseveraverit usque in finem, hic salvus erit.<\/span> <\/p>\n 14<\/sup>Et prædicabitur hoc Evangelium regni in universo orbe, in testimonium omnibus gentibus: et tunc veniet consummatio.<\/span> <\/p>\n 15<\/sup>Cum ergo videritis abominationem desolationis, quæ dicta est a Daniele propheta, stantem in loco sancto, qui legit, intelligat:<\/span> <\/p>\n 16<\/sup>tunc qui in Judæa sunt, fugiant ad montes:<\/span> <\/p>\n 17<\/sup>et qui in tecto, non descendat tollere aliquid de domo sua:<\/span> <\/p>\n 18<\/sup>et qui in agro, non revertatur tollere tunicam suam.<\/span> <\/p>\n 19<\/sup>Væ autem prægnantibus et nutrientibus in illis diebus!<\/span> <\/p>\n 20<\/sup>Orate autem ut non fiat fuga vestra in hieme, vel sabbato:<\/span> <\/p>\n 21<\/sup>erit enim tunc tribulatio magna, qualis non fuit ab initio mundi usque modo, neque fiet.<\/span> <\/p>\n 22<\/sup>Et nisi breviati fuissent dies illi, non fieret salva omnis caro: sed propter electos breviabuntur dies illi.<\/span> <\/p>\n 23<\/sup>Tunc si quis vobis dixerit: Ecce hic est Christus, aut illic: nolite credere.<\/span> <\/p>\n 24<\/sup>Surgent enim pseudochristi, et pseudoprophetæ: et dabunt signa magna, et prodigia, ita ut in errorem inducantur (si fieri potest) etiam electi.<\/span> <\/p>\n 25<\/sup>Ecce prædixi vobis.<\/span> <\/p>\n 26<\/sup>Si ergo dixerint vobis: Ecce in deserto est, nolite exire; Ecce in penetralibus, nolite credere.<\/span> <\/p>\n 27<\/sup>Sicut enim fulgur exit ab oriente, et paret usque in occidentem: ita erit et adventus Filii hominis.<\/span> <\/p>\n 28<\/sup>Ubicumque fuerit corpus, illic congregabuntur et aquilæ.<\/span> <\/p>\n 29<\/sup>Statim autem post tribulationem dierum illorum sol obscurabitur, et luna non dabit lumen suum, et stellæ cadent de cælo, et virtutes cælorum commovebuntur:<\/span> <\/p>\n 30<\/sup>et tunc parebit signum Filii hominis in cælo: et tunc plangent omnes tribus terræ: et videbunt Filium hominis venientem in nubibus cæli cum virtute multa et majestate.<\/span> <\/p>\n 31<\/sup>Et mittet angelos suos cum tuba, et voce magna: et congregabunt electos ejus a quatuor ventis, a summis cælorum usque ad terminos eorum.<\/span> <\/p>\n 32<\/sup>Ab arbore autem fici discite parabolam: cum jam ramus ejus tener fuerit, et folia nata, scitis quia prope est æstas:<\/span> <\/p>\n 33<\/sup>ita et vos cum videritis hæc omnia, scitote quia prope est, in januis.<\/span> <\/p>\n 34<\/sup>Amen dico vobis, quia non præteribit generatio hæc, donec omnia hæc fiant.<\/span> <\/p>\n 35<\/sup>Cælum et terra transibunt, verba autem mea non præteribunt.<\/span> <\/p>\n 36<\/sup>De die autem illa et hora nemo scit, neque angeli cælorum, nisi solus Pater.<\/span> <\/p>\n 37<\/sup>Sicut autem in diebus Noë, ita erit et adventus Filii hominis:<\/span> <\/p>\n 38<\/sup>sicut enim erant in diebus ante diluvium comedentes et bibentes, nubentes et nuptum tradentes, usque ad eum diem, quo intravit Noë in arcam,<\/span> <\/p>\n 39<\/sup>et non cognoverunt donec venit diluvium, et tulit omnes: ita erit et adventus Filii hominis.<\/span> <\/p>\n 40<\/sup>Tunc duo erunt in agro: unus assumetur, et unus relinquetur.<\/span> <\/p>\n 41<\/sup>Duæ molentes in mola: una assumetur, et una relinquetur.<\/span> <\/p>\n 42<\/sup>Vigilate ergo, quia nescitis qua hora Dominus vester venturus sit.<\/span> <\/p>\n 43<\/sup>Illud autem scitote, quoniam si sciret paterfamilias qua hora fur venturus esset, vigilaret utique, et non sineret perfodi domum suam.<\/span> <\/p>\n 44<\/sup>Ideo et vos estote parati: quia qua nescitis hora Filius hominis venturus est.<\/span> <\/p>\n 45<\/sup>Quis, putas, est fidelis servus, et prudens, quem constituit dominus suus super familiam suam ut det illis cibum in tempore?<\/span> <\/p>\n 46<\/sup>Beatus ille servus, quem cum venerit dominus ejus, invenerit sic facientem.<\/span> <\/p>\n 47<\/sup>Amen dico vobis, quoniam super omnia bona sua constituet eum.<\/span> <\/p>\n 48<\/sup>Si autem dixerit malus servus ille in corde suo: Moram fecit dominus meus venire:<\/span> <\/p>\n 49<\/sup>et cœperit percutere conservos suos, manducet autem et bibat cum ebriosis:<\/span> <\/p>\n 50<\/sup>veniet dominus servi illius in die qua non sperat, et hora qua ignorat:<\/span> <\/p>\n 51<\/sup>et dividet eum, partemque ejus ponet cum hypocritis: illic erit fletus et stridor dentium.<\/span> <\/p>\n