1<\/sup>Mane autem facto, consilium inierunt omnes principes sacerdotum et seniores populi adversus Jesum, ut eum morti traderent.<\/span> <\/p>\n 2<\/sup>Et vinctum adduxerunt eum, et tradiderunt Pontio Pilato præsidi.<\/span> <\/p>\n 3<\/sup>Tunc videns Judas, qui eum tradidit, quod damnatus esset, pœnitentia ductus, retulit triginta argenteos principibus sacerdotum, et senioribus,<\/span> <\/p>\n 4<\/sup>dicens: Peccavi, tradens sanguinem justum. At illi dixerunt: Quid ad nos? tu videris.<\/span> <\/p>\n 5<\/sup>Et projectis argenteis in templo, recessit: et abiens laqueo se suspendit.<\/span> <\/p>\n 6<\/sup>Principes autem sacerdotum, acceptis argenteis, dixerunt: Non licet eos mittere in corbonam: quia pretium sanguinis est.<\/span> <\/p>\n 7<\/sup>Consilio autem inito, emerunt ex illis agrum figuli, in sepulturam peregrinorum.<\/span> <\/p>\n 8<\/sup>Propter hoc vocatus est ager ille, Haceldama, hoc est, Ager sanguinis, usque in hodiernum diem.<\/span> <\/p>\n 9<\/sup>Tunc impletum est quod dictum est per Jeremiam prophetam, dicentem: Et acceperunt triginta argenteos pretium appretiati, quem appretiaverunt a filiis Israël:<\/span> <\/p>\n 10<\/sup>et dederunt eos in agrum figuli, sicut constituit mihi Dominus.<\/span> <\/p>\n 11<\/sup>Jesus autem stetit ante præsidem, et interrogavit eum præses, dicens: Tu es rex Judæorum? Dicit illi Jesus: Tu dicis.<\/span> <\/p>\n 12<\/sup>Et cum accusaretur a principibus sacerdotum et senioribus, nihil respondit.<\/span> <\/p>\n 13<\/sup>Tunc dicit illi Pilatus: Non audis quanta adversum te dicunt testimonia?<\/span> <\/p>\n 14<\/sup>Et non respondit ei ad ullum verbum, ita ut miraretur præses vehementer.<\/span> <\/p>\n 15<\/sup>Per diem autem solemnem consueverat præses populo dimittere unum vinctum, quem voluissent:<\/span> <\/p>\n 16<\/sup>habebat autem tunc vinctum insignem, qui dicebatur Barrabas.<\/span> <\/p>\n 17<\/sup>Congregatis ergo illis, dixit Pilatus: Quem vultis dimittam vobis: Barabbam, an Jesum, qui dicitur Christus?<\/span> <\/p>\n 18<\/sup>Sciebat enim quod per invidiam tradidissent eum.<\/span> <\/p>\n 19<\/sup>Sedente autem illo pro tribunali, misit ad eum uxor ejus, dicens: Nihil tibi, et justo illi: multa enim passa sum hodie per visum propter eum.<\/span> <\/p>\n 20<\/sup>Principes autem sacerdotum et seniores persuaserunt populis ut peterent Barabbam, Jesum vero perderent.<\/span> <\/p>\n 21<\/sup>Respondens autem præses, ait illis: Quem vultis vobis de duobus dimitti? At illi dixerunt: Barabbam.<\/span> <\/p>\n 22<\/sup>Dicit illis Pilatus: Quid igitur faciam de Jesu, qui dicitur Christus?<\/span> <\/p>\n 23<\/sup>Dicunt omnes: Crucifigatur. Ait illis præses: Quid enim mali fecit? At illi magis clamabant dicentes: Crucifigatur.<\/span> <\/p>\n 24<\/sup>Videns autem Pilatus quia nihil proficeret, sed magis tumultus fieret: accepta aqua, lavit manus coram populo, dicens: Innocens ego sum a sanguine justi hujus: vos videritis.<\/span> <\/p>\n 25<\/sup>Et respondens universus populus, dixit: Sanguis ejus super nos, et super filios nostros.<\/span> <\/p>\n 26<\/sup>Tunc dimisit illis Barabbam: Jesum autem flagellatum tradidit eis ut crucifigeretur.<\/span> <\/p>\n 27<\/sup>Tunc milites præsidis suscipientes Jesum in prætorium, congregaverunt ad eum universam cohortem:<\/span> <\/p>\n 28<\/sup>et exeuntes eum, chlamydem coccineam circumdederunt ei,<\/span> <\/p>\n 29<\/sup>et plectentes coronam de spinis, posuerunt super caput ejus, et arundinem in dextera ejus. Et genu flexo ante eum, illudebant ei, dicentes: Ave rex Judæorum.<\/span> <\/p>\n 30<\/sup>Et exspuentes in eum, acceperunt arundinem, et percutiebant caput ejus.<\/span> <\/p>\n 31<\/sup>Et postquam illuserunt ei, exuerunt eum chlamyde, et induerunt eum vestimentis ejus, et duxerunt eum ut crucifigerent.<\/span> <\/p>\n 32<\/sup>Exeuntes autem invenerunt hominem Cyrenæum, nomine Simonem: hunc angariaverunt ut tolleret crucem ejus.<\/span> <\/p>\n 33<\/sup>Et venerunt in locum qui dicitur Golgotha, quod est Calvariæ locus.<\/span> <\/p>\n 34<\/sup>Et dederunt ei vinum bibere cum felle mistum. Et cum gustasset, noluit bibere.<\/span> <\/p>\n 35<\/sup>Postquam autem crucifixerunt eum, diviserunt vestimenta ejus, sortem mittentes: ut impleretur quod dictum est per prophetam dicentem: Diviserunt sibi vestimenta mea, et super vestem meam miserunt sortem.<\/span> <\/p>\n 36<\/sup>Et sedentes servabant eum.<\/span> <\/p>\n 37<\/sup>Et imposuerunt super caput ejus causam ipsius scriptam: Hic est Jesus rex Judæorum.<\/span> <\/p>\n 38<\/sup>Tunc crucifixi sunt cum eo duo latrones: unus a dextris, et unus a sinistris.<\/span> <\/p>\n 39<\/sup>Prætereuntes autem blasphemabant eum moventes capita sua,<\/span> <\/p>\n 40<\/sup>et dicentes: Vah! qui destruis templum Dei, et in triduo illud reædificas: salva temetipsum: si Filius Dei es, descende de cruce.<\/span> <\/p>\n 41<\/sup>Similiter et principes sacerdotum illudentes cum scribis et senioribus dicebant:<\/span> <\/p>\n 42<\/sup>Alios salvos fecit, seipsum non potest salvum facere: si rex Israël est, descendat nunc de cruce, et credimus ei:<\/span> <\/p>\n 43<\/sup>confidit in Deo: liberet nunc, si vult eum: dixit enim: Quia Filius Dei sum.<\/span> <\/p>\n 44<\/sup>Idipsum autem et latrones, qui crucifixi erant cum eo, improperabant ei.<\/span> <\/p>\n 45<\/sup>A sexta autem hora tenebræ factæ sunt super universam terram usque ad horam nonam.<\/span> <\/p>\n 46<\/sup>Et circa horam nonam clamavit Jesus voce magna, dicens: Eli, Eli, lamma sabacthani? hoc est: Deus meus, Deus meus, ut quid dereliquisti me?<\/span> <\/p>\n 47<\/sup>Quidam autem illic stantes, et audientes, dicebant: Eliam vocat iste.<\/span> <\/p>\n 48<\/sup>Et continuo currens unus ex eis, acceptam spongiam implevit aceto, et imposuit arundini, et dabat ei bibere.<\/span> <\/p>\n 49<\/sup>Ceteri vero dicebant: Sine, videamus an veniat Elias liberans eum.<\/span> <\/p>\n 50<\/sup>Jesus autem iterum clamans voce magna, emisit spiritum.<\/span> <\/p>\n 51<\/sup>Et ecce velum templi scissum est in duas partes a summo usque deorsum: et terra mota est, et petræ scissæ sunt,<\/span> <\/p>\n 52<\/sup>et monumenta aperta sunt: et multa corpora sanctorum, qui dormierant, surrexerunt.<\/span> <\/p>\n 53<\/sup>Et exeuntes de monumentis post resurrectionem ejus, venerunt in sanctam civitatem, et apparuerunt multis.<\/span> <\/p>\n 54<\/sup>Centurio autem, et qui cum eo erant, custodientes Jesum, viso terræmotu, et his quæ fiebant, timuerunt valde, dicentes: Vere Filius Dei erat iste.<\/span> <\/p>\n 55<\/sup>Erant autem ibi mulieres multæ a longe, quæ secutæ erant Jesum a Galilæa, ministrantes ei:<\/span> <\/p>\n 56<\/sup>inter quas erat Maria Magdalene, et Maria Jacobi, et Joseph mater, et mater filiorum Zebedæi.<\/span> <\/p>\n 57<\/sup>Cum autem sero factum esset, venit quidam homo dives ab Arimathæa, nomine Joseph, qui et ipse discipulus erat Jesu:<\/span> <\/p>\n 58<\/sup>hic accessit ad Pilatum, et petiit corpus Jesu. Tunc Pilatus jussit reddi corpus.<\/span> <\/p>\n 59<\/sup>Et accepto corpore, Joseph involvit illud in sindone munda,<\/span> <\/p>\n 60<\/sup>et posuit illud in monumento suo novo, quod exciderat in petra. Et advolvit saxum magnum ad ostium monumenti, et abiit.<\/span> <\/p>\n 61<\/sup>Erant autem ibi Maria Magdalene, et altera Maria, sedentes contra sepulchrum.<\/span> <\/p>\n 62<\/sup>Altera autem die, quæ est post Parasceven, convenerunt principes sacerdotum et pharisæi ad Pilatum,<\/span> <\/p>\n 63<\/sup>dicentes: Domine, recordati sumus, quia seductor ille dixit adhuc vivens: Post tres dies resurgam.<\/span> <\/p>\n 64<\/sup>Jube ergo custodiri sepulchrum usque in diem tertium: ne forte veniant discipuli ejus, et furentur eum, et dicant plebi: Surrexit a mortuis: et erit novissimus error pejor priore.<\/span> <\/p>\n 65<\/sup>Ait illis Pilatus: Habetis custodiam, ite, custodite sicut scitis.<\/span> <\/p>\n 66<\/sup>Illi autem abeuntes, munierunt sepulchrum, signantes lapidem, cum custodibus.<\/span> <\/p>\n