1<\/sup>Videns autem Jesus turbas, ascendit in montem, et cum sedisset, accesserunt ad eum discipuli ejus,<\/span> <\/p>\n 2<\/sup>et aperiens os suum docebat eos dicens:<\/span> <\/p>\n 3<\/sup>Beati pauperes spiritu: quoniam ipsorum est regnum cælorum.<\/span> <\/p>\n 4<\/sup>Beati mites: quoniam ipsi possidebunt terram.<\/span> <\/p>\n 5<\/sup>Beati qui lugent: quoniam ipsi consolabuntur.<\/span> <\/p>\n 6<\/sup>Beati qui esuriunt et sitiunt justitiam: quoniam ipsi saturabuntur.<\/span> <\/p>\n 7<\/sup>Beati misericordes: quoniam ipsi misericordiam consequentur.<\/span> <\/p>\n 8<\/sup>Beati mundo corde: quoniam ipsi Deum videbunt.<\/span> <\/p>\n 9<\/sup>Beati pacifici: quoniam filii Dei vocabuntur.<\/span> <\/p>\n 10<\/sup>Beati qui persecutionem patiuntur propter justitiam: quoniam ipsorum est regnum cælorum.<\/span> <\/p>\n 11<\/sup>Beati estis cum maledixerint vobis, et persecuti vos fuerint, et dixerint omne malum adversum vos mentientes, propter me:<\/span> <\/p>\n 12<\/sup>gaudete, et exsultate, quoniam merces vestra copiosa est in cælis. Sic enim persecuti sunt prophetas, qui fuerunt ante vos.<\/span> <\/p>\n 13<\/sup>Vos estis sal terræ. Quod si sal evanuerit, in quo salietur? ad nihilum valet ultra, nisi ut mittatur foras, et conculcetur ab hominibus.<\/span> <\/p>\n 14<\/sup>Vos estis lux mundi. Non potest civitas abscondi supra montem posita,<\/span> <\/p>\n 15<\/sup>neque accendunt lucernam, et ponunt eam sub modio, sed super candelabrum, ut luceat omnibus qui in domo sunt.<\/span> <\/p>\n 16<\/sup>Sic luceat lux vestra coram hominibus: ut videant opera vestra bona, et glorificent Patrem vestrum, qui in cælis est.<\/span> <\/p>\n 17<\/sup>Nolite putare quoniam veni solvere legem aut prophetas: non veni solvere, sed adimplere.<\/span> <\/p>\n 18<\/sup>Amen quippe dico vobis, donec transeat cælum et terra, jota unum aut unus apex non præteribit a lege, donec omnia fiant.<\/span> <\/p>\n 19<\/sup>Qui ergo solverit unum de mandatis istis minimis, et docuerit sic homines, minimus vocabitur in regno cælorum: qui autem fecerit et docuerit, hic magnus vocabitur in regno cælorum.<\/span> <\/p>\n 20<\/sup>Dico enim vobis, quia nisi abundaverit justitia vestra plus quam scribarum et pharisæorum, non intrabitis in regnum cælorum.<\/span> <\/p>\n 21<\/sup>Audistis quia dictum est antiquis: Non occides: qui autem occiderit, reus erit judicio.<\/span> <\/p>\n 22<\/sup>Ego autem dico vobis: quia omnis qui irascitur fratri suo, reus erit judicio. Qui autem dixerit fratri suo, raca: reus erit concilio. Qui autem dixerit, fatue: reus erit gehennæ ignis.<\/span> <\/p>\n 23<\/sup>Si ergo offers munus tuum ad altare, et ibi recordatus fueris quia frater tuus habet aliquid adversum te:<\/span> <\/p>\n 24<\/sup>relinque ibi munus tuum ante altare, et vade prius reconciliari fratri tuo: et tunc veniens offeres munus tuum.<\/span> <\/p>\n 25<\/sup>Esto consentiens adversario tuo cito dum es in via cum eo: ne forte tradat te adversarius judici, et judex tradat te ministro: et in carcerem mittaris.<\/span> <\/p>\n 26<\/sup>Amen dico tibi, non exies inde, donec reddas novissimum quadrantem.<\/span> <\/p>\n 27<\/sup>Audistis quia dictum est antiquis: Non mœchaberis.<\/span> <\/p>\n 28<\/sup>Ego autem dico vobis: quia omnis qui viderit mulierem ad concupiscendum eam, jam mœchatus est eam in corde suo.<\/span> <\/p>\n 29<\/sup>Quod si oculus tuus dexter scandalizat te, erue eum, et projice abs te: expedit enim tibi ut pereat unum membrorum tuorum, quam totum corpus tuum mittatur in gehennam.<\/span> <\/p>\n 30<\/sup>Et si dextra manus tua scandalizat te, abscide eam, et projice abs te: expedit enim tibi ut pereat unum membrorum tuorum, quam totum corpus tuum eat in gehennam.<\/span> <\/p>\n 31<\/sup>Dictum est autem: Quicumque dimiserit uxorem suam, det ei libellum repudii.<\/span> <\/p>\n 32<\/sup>Ego autem dico vobis: quia omnis qui dimiserit uxorem suam, excepta fornicationis causa, facit eam mœchari: et qui dimissam duxerit, adulterat.<\/span> <\/p>\n 33<\/sup>Iterum audistis quia dictum est antiquis: Non perjurabis: reddes autem Domino juramenta tua.<\/span> <\/p>\n 34<\/sup>Ego autem dico vobis, non jurare omnino, neque per cælum, quia thronus Dei est:<\/span> <\/p>\n 35<\/sup>neque per terram, quia scabellum est pedum ejus: neque per Jerosolymam, quia civitas est magni regis:<\/span> <\/p>\n 36<\/sup>neque per caput tuum juraveris, quia non potes unum capillum album facere, aut nigrum.<\/span> <\/p>\n 37<\/sup>Sit autem sermo vester, est, est: non, non: quod autem his abundantius est, a malo est.<\/span> <\/p>\n 38<\/sup>Audistis quia dictum est: Oculum pro oculo, et dentem pro dente.<\/span> <\/p>\n 39<\/sup>Ego autem dico vobis, non resistere malo: sed si quis te percusserit in dexteram maxillam tuam, præbe illi et alteram:<\/span> <\/p>\n 40<\/sup>et ei, qui vult tecum judicio contendere, et tunicam tuam tollere, dimitte ei et pallium:<\/span> <\/p>\n 41<\/sup>et quicumque te angariaverit mille passus, vade cum illo et alia duo.<\/span> <\/p>\n 42<\/sup>Qui petit a te, da ei: et volenti mutuari a te, ne avertaris.<\/span> <\/p>\n 43<\/sup>Audistis quia dictum est: Diliges proximum tuum, et odio habebis inimicum tuum.<\/span> <\/p>\n 44<\/sup>Ego autem dico vobis: diligite inimicos vestros, benefacite his qui oderunt vos, et orate pro persequentibus et calumniantibus vos:<\/span> <\/p>\n 45<\/sup>ut sitis filii Patris vestri, qui in cælis est: qui solem suum oriri facit super bonos et malos: et pluit super justos et injustos.<\/span> <\/p>\n 46<\/sup>Si enim diligitis eos qui vos diligunt, quam mercedem habebitis? nonne et publicani hoc faciunt?<\/span> <\/p>\n 47<\/sup>Et si salutaveritis fratres vestros tantum, quid amplius facitis? nonne et ethnici hoc faciunt?<\/span> <\/p>\n 48<\/sup>Estote ergo vos perfecti, sicut et Pater vester cælestis perfectus est.<\/span> <\/p>\n