1<\/sup>Attendite ne justitiam vestram faciatis coram hominibus, ut videamini ab eis: alioquin mercedem non habebitis apud Patrem vestrum qui in cælis est.<\/span> <\/p>\n 2<\/sup>Cum ergo facis eleemosynam, noli tuba canere ante te, sicut hypocritæ faciunt in synagogis, et in vicis, ut honorificentur ab hominibus. Amen dico vobis, receperunt mercedem suam.<\/span> <\/p>\n 3<\/sup>Te autem faciente eleemosynam, nesciat sinistra tua quid faciat dextera tua:<\/span> <\/p>\n 4<\/sup>ut sit eleemosyna tua in abscondito, et Pater tuus, qui videt in abscondito, reddet tibi.<\/span> <\/p>\n 5<\/sup>Et cum oratis, non eritis sicut hypocritæ qui amant in synagogis et in angulis platearum stantes orare, ut videantur ab hominibus: amen dico vobis, receperunt mercedem suam.<\/span> <\/p>\n 6<\/sup>Tu autem cum oraveris, intra in cubiculum tuum, et clauso ostio, ora Patrem tuum in abscondito: et Pater tuus, qui videt in abscondito, reddet tibi.<\/span> <\/p>\n 7<\/sup>Orantes autem, nolite multum loqui, sicut ethnici, putant enim quod in multiloquio suo exaudiantur.<\/span> <\/p>\n 8<\/sup>Nolite ergo assimilari eis: scit enim Pater vester, quid opus sit vobis, antequam petatis eum.<\/span> <\/p>\n 9<\/sup>Sic ergo vos orabitis: Pater noster, qui es in cælis, sanctificetur nomen tuum.<\/span> <\/p>\n 10<\/sup>Adveniat regnum tuum; fiat voluntas tua, sicut in cælo et in terra.<\/span> <\/p>\n 11<\/sup>Panem nostrum supersubstantialem da nobis hodie,<\/span> <\/p>\n 12<\/sup>et dimitte nobis debita nostra, sicut et nos dimittimus debitoribus nostris.<\/span> <\/p>\n 13<\/sup>Et ne nos inducas in tentationem, sed libera nos a malo. Amen.<\/span> <\/p>\n 14<\/sup>Si enim dimiseritis hominibus peccata eorum: dimittet et vobis Pater vester cælestis delicta vestra.<\/span> <\/p>\n 15<\/sup>Si autem non dimiseritis hominibus: nec Pater vester dimittet vobis peccata vestra.<\/span> <\/p>\n 16<\/sup>Cum autem jejunatis, nolite fieri sicut hypocritæ, tristes. Exterminant enim facies suas, ut appareant hominibus jejunantes. Amen dico vobis, quia receperunt mercedem suam.<\/span> <\/p>\n 17<\/sup>Tu autem, cum jejunas, unge caput tuum, et faciem tuam lava,<\/span> <\/p>\n 18<\/sup>ne videaris hominibus jejunans, sed Patri tuo, qui est in abscondito: et Pater tuus, qui videt in abscondito, reddet tibi.<\/span> <\/p>\n 19<\/sup>Nolite thesaurizare vobis thesauros in terra: ubi ærugo, et tinea demolitur: et ubi fures effodiunt, et furantur.<\/span> <\/p>\n 20<\/sup>Thesaurizate autem vobis thesauros in cælo, ubi neque ærugo, neque tinea demolitur, et ubi fures non effodiunt, nec furantur.<\/span> <\/p>\n 21<\/sup>Ubi enim est thesaurus tuus, ibi est et cor tuum.<\/span> <\/p>\n 22<\/sup>Lucerna corporis tui est oculus tuus. Si oculus tuus fuerit simplex, totum corpus tuum lucidum erit.<\/span> <\/p>\n 23<\/sup>Si autem oculus tuus fuerit nequam, totum corpus tuum tenebrosum erit. Si ergo lumen, quod in te est, tenebræ sunt: ipsæ tenebræ quantæ erunt?<\/span> <\/p>\n 24<\/sup>Nemo potest duobus dominis servire: aut enim unum odio habebit, et alterum diliget: aut unum sustinebit, et alterum contemnet. Non potestis Deo servire et mammonæ.<\/span> <\/p>\n 25<\/sup>Ideo dico vobis, ne solliciti sitis animæ vestræ quid manducetis, neque corpori vestro quid induamini. Nonne anima plus est quam esca, et corpus plus quam vestimentum?<\/span> <\/p>\n 26<\/sup>Respicite volatilia cæli, quoniam non serunt, neque metunt, neque congregant in horrea: et Pater vester cælestis pascit illa. Nonne vos magis pluris estis illis?<\/span> <\/p>\n 27<\/sup>Quis autem vestrum cogitans potest adjicere ad staturam suam cubitum unum?<\/span> <\/p>\n 28<\/sup>Et de vestimento quid solliciti estis? Considerate lilia agri quomodo crescunt: non laborant, neque nent.<\/span> <\/p>\n 29<\/sup>Dico autem vobis, quoniam nec Salomon in omni gloria sua coopertus est sicut unum ex istis.<\/span> <\/p>\n 30<\/sup>Si autem fœnum agri, quod hodie est, et cras in clibanum mittitur, Deus sic vestit, quanto magis vos modicæ fidei?<\/span> <\/p>\n 31<\/sup>Nolite ergo solliciti esse, dicentes: Quid manducabimus, aut quid bibemus, aut quo operiemur?<\/span> <\/p>\n 32<\/sup>hæc enim omnia gentes inquirunt. Scit enim Pater vester, quia his omnibus indigetis.<\/span> <\/p>\n 33<\/sup>Quærite ergo primum regnum Dei, et justitiam ejus: et hæc omnia adjicientur vobis.<\/span> <\/p>\n 34<\/sup>Nolite ergo solliciti esse in crastinum. Crastinus enim dies sollicitus erit sibi ipsi: sufficit diei malitia sua.<\/span> <\/p>\n