1<\/sup>Seniorem ne increpaveris, sed obsecra ut patrem: juvenes, ut fratres:<\/span> <\/p>\n 2<\/sup>anus, ut matres: juvenculas, ut sorores in omni castitate:<\/span> <\/p>\n 3<\/sup>viduas honora, quæ vere viduæ sunt.<\/span> <\/p>\n 4<\/sup>Si qua autem vidua filios, aut nepotes habet: discat primum domum suam regere, et mutuam vicem reddere parentibus: hoc enim acceptum est coram Deo.<\/span> <\/p>\n 5<\/sup>Quæ autem vere vidua est, et desolata, speret in Deum, et instet obsecrationibus, et orationibus nocte ac die.<\/span> <\/p>\n 6<\/sup>Nam quæ in deliciis est, vivens mortua est.<\/span> <\/p>\n 7<\/sup>Et hoc præcipe, ut irreprehensibiles sint.<\/span> <\/p>\n 8<\/sup>Si quis autem suorum, et maxime domesticorum, curam non habet, fidem negavit, et est infideli deterior.<\/span> <\/p>\n 9<\/sup>Vidua eligatur non minus sexaginta annorum, quæ fuerit unius viri uxor,<\/span> <\/p>\n 10<\/sup>in operibus bonis testimonium habens, si filios educavit, si hospitio recepit, si sanctorum pedes lavit, si tribulationem patientibus subministravit, si omne opus bonum subsecuta est.<\/span> <\/p>\n 11<\/sup>Adolescentiores autem viduas devita: cum enim luxuriatæ fuerint in Christo, nubere volunt:<\/span> <\/p>\n 12<\/sup>habentes damnationem, quia primam fidem irritam fecerunt;<\/span> <\/p>\n 13<\/sup>simul autem et otiosæ discunt circuire domos: non solum otiosæ, sed et verbosæ, et curiosæ, loquentes quæ non oportet.<\/span> <\/p>\n 14<\/sup>Volo ergo juniores nubere, filios procreare, matresfamilias esse, nullam occasionem dare adversario maledicti gratia.<\/span> <\/p>\n 15<\/sup>Jam enim quædam conversæ sunt retro Satanam.<\/span> <\/p>\n 16<\/sup>Si quis fidelis habet viduas, subministret illis, et non gravetur ecclesia: ut iis quæ vere viduæ sunt, sufficiat.<\/span> <\/p>\n 17<\/sup>Qui bene præsunt presbyteri, duplici honore digni habeantur: maxime qui laborant in verbo et doctrina.<\/span> <\/p>\n 18<\/sup>Dicit enim Scriptura: Non alligabis os bovi trituranti. Et: Dignus est operarius mercede sua.<\/span> <\/p>\n 19<\/sup>Adversus presbyterum accusationem noli recipere, nisi sub duobus aut tribus testibus.<\/span> <\/p>\n 20<\/sup>Peccantes coram omnibus argue: ut et ceteri timorem habeant.<\/span> <\/p>\n 21<\/sup>Testor coram Deo et Christo Jesu, et electis angelis, ut hæc custodias sine præjudicio, nihil faciens in alteram partem declinando.<\/span> <\/p>\n 22<\/sup>Manus cito nemini imposueris, neque communicaveris peccatis alienis. Teipsum castum custodi.<\/span> <\/p>\n 23<\/sup>Noli adhuc aquam bibere, sed modico vino utere propter stomachum tuum, et frequentes tuas infirmitates.<\/span> <\/p>\n 24<\/sup>Quorumdam hominum peccata manifesta sunt, præcedentia ad judicium: quosdam autem et subsequuntur.<\/span> <\/p>\n 25<\/sup>Similiter et facta bona, manifesta sunt: et quæ aliter se habent, abscondi non possunt.<\/span> <\/p>\n