1<\/sup>Quicumque sunt sub jugo servi, dominos suos omni honore dignos arbitrentur, ne nomen Domini et doctrina blasphemetur.<\/span> <\/p>\n 2<\/sup>Qui autem fideles habent dominos, non contemnant, quia fratres sunt: sed magis serviant, quia fideles sunt et dilecti, qui beneficii participes sunt. Hæc doce, et exhortare.<\/span> <\/p>\n 3<\/sup>Si quis aliter docet, et non acquiescit sanis sermonibus Domini nostri Jesu Christi, et ei, quæ secundum pietatem est, doctrinæ:<\/span> <\/p>\n 4<\/sup>superbus est, nihil sciens, sed languens circa quæstiones, et pugnas verborum: ex quibus oriuntur invidiæ, contentiones, blasphemiæ, suspiciones malæ,<\/span> <\/p>\n 5<\/sup>conflictationes hominum mente corruptorum, et qui veritate privati sunt, existimantium quæstum esse pietatem.<\/span> <\/p>\n 6<\/sup>Est autem quæstus magnus pietas cum sufficientia.<\/span> <\/p>\n 7<\/sup>Nihil enim intulimus in hunc mundum: haud dubium quod nec auferre quid possumus.<\/span> <\/p>\n 8<\/sup>Habentes autem alimenta, et quibus tegamur, his contenti simus.<\/span> <\/p>\n 9<\/sup>Nam qui volunt divites fieri, incidunt in tentationem, et in laqueum diaboli, et desideria multa inutilia, et nociva, quæ mergunt homines in interitum et perditionem.<\/span> <\/p>\n 10<\/sup>Radix enim omnium malorum est cupiditas: quam quidam appetentes erraverunt a fide, et inseruerunt se doloribus malis.<\/span> <\/p>\n 11<\/sup>Tu autem, o homo Dei, hæc fuge: sectare vero justitiam, pietatem, fidem, caritatem, patientiam, mansuetudinem.<\/span> <\/p>\n 12<\/sup>Certa bonum certamen fidei, apprehende vitam æternam, in qua vocatus es, et confessus bonam confessionem coram multis testibus.<\/span> <\/p>\n 13<\/sup>Præcipio tibi coram Deo, qui vivificat omnia, et Christo Jesu, qui testimonium reddidit sub Pontio Pilato, bonam confessionem,<\/span> <\/p>\n 14<\/sup>ut serves mandatum sine macula, irreprehensibile usque in adventum Domini nostri Jesu Christi,<\/span> <\/p>\n 15<\/sup>quem suis temporibus ostendet beatus et solus potens, Rex regum, et Dominus dominantium:<\/span> <\/p>\n 16<\/sup>qui solus habet immortalitatem, et lucem inhabitat inaccessibilem: quem nullus hominum vidit, sed nec videre potest: cui honor, et imperium sempiternum. Amen.<\/span> <\/p>\n 17<\/sup>Divitibus hujus sæculi præcipe non sublime sapere, neque sperare in incerto divitiarum, sed in Deo vivo (qui præstat nobis omnia abunde ad fruendum)<\/span> <\/p>\n 18<\/sup>bene agere, divites fieri in bonis operibus, facile tribuere, communicare,<\/span> <\/p>\n 19<\/sup>thesaurizare sibi fundamentum bonum in futurum, ut apprehendant veram vitam.<\/span> <\/p>\n 20<\/sup>O Timothee, depositum custodi, devitans profanas vocum novitates, et oppositiones falsi nominis scientiæ,<\/span> <\/p>\n 21<\/sup>quam quidam promittentes, circa fidem exciderunt. Gratia tecum. Amen.<\/span> <\/p>\n