1<\/sup>Hic enim Melchisedech, rex Salem, sacerdos Dei summi, qui obviavit Abrahæ regresso a cæde regum, et benedixit ei:<\/span> <\/p>\n 2<\/sup>cui et decimas omnium divisit Abraham: primum quidem qui interpretatur rex justitiæ: deinde autem et rex Salem, quod est, rex pacis,<\/span> <\/p>\n 3<\/sup>sine patre, sine matre, sine genealogia, neque initium dierum, neque finem vitæ habens, assimilatus autem Filio Dei, manet sacerdos in perpetuum.<\/span> <\/p>\n 4<\/sup>Intuemini autem quantus sit hic, cui et decimas dedit de præcipuis Abraham patriarcha.<\/span> <\/p>\n 5<\/sup>Et quidem de filiis Levi sacerdotium accipientes, mandatum habent decimas sumere a populo secundum legem, id est, a fratribus suis: quamquam et ipsi exierint de lumbis Abrahæ.<\/span> <\/p>\n 6<\/sup>Cujus autem generatio non annumeratur in eis, decimas sumpsit ab Abraham, et hunc, qui habebat repromissiones, benedixit.<\/span> <\/p>\n 7<\/sup>Sine ulla autem contradictione, quod minus est, a meliore benedicitur.<\/span> <\/p>\n 8<\/sup>Et hic quidem, decimas morientes homines accipiunt: ibi autem contestatur, quia vivit.<\/span> <\/p>\n 9<\/sup>Et (ut ita dictum sit) per Abraham, et Levi, qui decimas accepit, decimatus est:<\/span> <\/p>\n 10<\/sup>adhuc enim in lumbis patris erat, quando obviavit ei Melchisedech.<\/span> <\/p>\n 11<\/sup>Si ergo consummatio per sacerdotium Leviticum erat (populus enim sub ipso legem accepit) quid adhuc necessarium fuit secundum ordinem Melchisedech, alium surgere sacerdotem, et non secundum ordinem Aaron dici?<\/span> <\/p>\n 12<\/sup>Translato enim sacerdotio, necesse erat ut et legis translatio fiat.<\/span> <\/p>\n 13<\/sup>In quo enim hæc dicuntur, de alia tribu est, de qua nullus altari præsto fuit.<\/span> <\/p>\n 14<\/sup>Manifestum est enim quod ex Juda ortus sit Dominus noster: in qua tribu nihil de sacerdotibus Moyses locutus est.<\/span> <\/p>\n 15<\/sup>Et amplius adhuc manifestum est: si secundum similitudinem Melchisedech exsurgat alius sacerdos,<\/span> <\/p>\n 16<\/sup>qui non secundum legem mandati carnalis factus est, sed secundum virtutem vitæ insolubilis.<\/span> <\/p>\n 17<\/sup>Contestatur enim: Quoniam tu es sacerdos in æternum, secundum ordinem Melchisedech.<\/span> <\/p>\n 18<\/sup>Reprobatio quidem fit præcedentis mandati, propter infirmitatem ejus, et inutilitatem:<\/span> <\/p>\n 19<\/sup>nihil enim ad perfectum adduxit lex: introductio vero melioris spei, per quam proximamus ad Deum.<\/span> <\/p>\n 20<\/sup>Et quantum est non sine jurejurando (alii quidem sine jurejurando sacerdotes facti sunt,<\/span> <\/p>\n 21<\/sup>hic autem cum jurejurando per eum, qui dixit ad illum: Juravit Dominus, et non pœnitebit eum: tu es sacerdos in æternum):<\/span> <\/p>\n 22<\/sup>in tantum melioris testamenti sponsor factus est Jesus.<\/span> <\/p>\n 23<\/sup>Et alii quidem plures facti sunt sacerdotes, idcirco quod morte prohiberentur permanere:<\/span> <\/p>\n 24<\/sup>hic autem eo quod maneat in æternum, sempiternum habet sacerdotium.<\/span> <\/p>\n 25<\/sup>Unde et salvare in perpetuum potest accedentes per semetipsum ad Deum: semper vivens ad interpellandum pro nobis.<\/span> <\/p>\n 26<\/sup>Talis enim decebat ut nobis esset pontifex, sanctus, innocens, impollutus, segregatus a peccatoribus, et excelsior cælis factus:<\/span> <\/p>\n 27<\/sup>qui non habet necessitatem quotidie, quemadmodum sacerdotes, prius pro suis delictis hostias offerre, deinde pro populi: hoc enim fecit semel, seipsum offerendo.<\/span> <\/p>\n 28<\/sup>Lex enim homines constituit sacerdotes infirmitatem habentes: sermo autem jurisjurandi, qui post legem est, Filium in æternum perfectum.<\/span> <\/p>\n