1<\/sup>Petrus Apostolus Jesu Christi, electis advenis dispersionis Ponti, Galatiæ, Cappadociæ, Asiæ, et Bithyniæ,<\/span> <\/p>\n 2<\/sup>secundum præscientiam Dei Patris, in sanctificationem Spiritus, in obedientiam, et aspersionem sanguinis Jesu Christi. Gratia vobis, et pax multiplicetur.<\/span> <\/p>\n 3<\/sup>Benedictus Deus et Pater Domini nostri Jesu Christi, qui secundum misericordiam suam magnam regeneravit nos in spem vivam, per resurrectionem Jesu Christi ex mortuis,<\/span> <\/p>\n 4<\/sup>in hæreditatem incorruptibilem, et incontaminatam, et immarcescibilem, conservatam in cælis in vobis,<\/span> <\/p>\n 5<\/sup>qui in virtute Dei custodimini per fidem in salutem, paratam revelari in tempore novissimo.<\/span> <\/p>\n 6<\/sup>In quo exsultabis, modicum nunc si oportet contristari in variis tentationibus:<\/span> <\/p>\n 7<\/sup>ut probatio vestræ fidei multo pretiosior auro (quod per ignem probatur) inveniatur in laudem, et gloriam, et honorem in revelatione Jesu Christi:<\/span> <\/p>\n 8<\/sup>quem cum non videritis, diligitis: in quem nunc quoque non videntes creditis: credentes autem exsultabitis lætitia inenarrabili, et glorificata:<\/span> <\/p>\n 9<\/sup>reportantes finem fidei vestræ, salutem animarum.<\/span> <\/p>\n 10<\/sup>De qua salute exquisierunt, atque scrutati sunt prophetæ, qui de futura in vobis gratia prophetaverunt:<\/span> <\/p>\n 11<\/sup>scrutantes in quod vel quale tempus significaret in eis Spiritus Christi: prænuntians eas quæ in Christo sunt passiones, et posteriores glorias:<\/span> <\/p>\n 12<\/sup>quibus revelatum est quia non sibimetipsis, vobis autem ministrabant ea quæ nunc nuntiata sunt vobis per eos qui evangelizaverunt vobis, Spiritu Sancto misso de cælo, in quem desiderant angeli prospicere.<\/span> <\/p>\n 13<\/sup>Propter quod succincti lumbos mentis vestræ, sobrii, perfecte sperate in eam, quæ offertur vobis, gratiam, in revelationem Jesu Christi:<\/span> <\/p>\n 14<\/sup>quasi filii obedientiæ, non configurati prioribus ignorantiæ vestræ desideriis:<\/span> <\/p>\n 15<\/sup>sed secundum eum qui vocavit vos, Sanctum: et ipsi in omni conversatione sancti sitis:<\/span> <\/p>\n 16<\/sup>quoniam scriptum est: Sancti eritis, quoniam ego sanctus sum.<\/span> <\/p>\n 17<\/sup>Et si patrem invocatis eum, qui sine acceptione personarum judicat secundum uniuscujusque opus, in timore incolatus vestri tempore conversamini.<\/span> <\/p>\n 18<\/sup>Scientes quod non corruptibilibus, auro vel argento, redempti estis de vana vestra conversatione paternæ traditionis:<\/span> <\/p>\n 19<\/sup>sed pretioso sanguine quasi agni immaculati Christi, et incontaminati:<\/span> <\/p>\n 20<\/sup>præcogniti quidem ante mundi constitutionem, manifestati autem novissimis temporibus propter vos,<\/span> <\/p>\n 21<\/sup>qui per ipsum fideles estis in Deo, qui suscitavit eum a mortuis, et dedit ei gloriam, ut fides vestra et spes esset in Deo:<\/span> <\/p>\n 22<\/sup>animas vestras castificantes in obedientia caritatis, in fraternitatis amore, simplici ex corde invicem diligite attentius:<\/span> <\/p>\n 23<\/sup>renati non ex semine corruptibili, sed incorruptibili per verbum Dei vivi, et permanentis in æternum:<\/span> <\/p>\n 24<\/sup>quia omnis caro ut fœnum: et omnis gloria ejus tamquam flos fœni: exaruit fœnum, et flos ejus decidit.<\/span> <\/p>\n 25<\/sup>Verbum autem Domini manet in æternum: hoc est autem verbum, quod evangelizatum est in vos.<\/span> <\/p>\n