1<\/sup>Christo igitur passo in carne, et vos eadem cogitatione armamini: quia qui passus est in carne, desiit a peccatis:<\/span> <\/p>\n 2<\/sup>ut jam non desideriis hominum, sed voluntati Dei, quod reliquum est in carne vivat temporis.<\/span> <\/p>\n 3<\/sup>Sufficit enim præteritum tempus ad voluntatem gentium consummandam his qui ambulaverunt in luxuriis, desideriis, vinolentiis, comessationibus, potationibus, et illicitis idolorum cultibus.<\/span> <\/p>\n 4<\/sup>In quo admirantur non concurrentibus vobis in eamdem luxuriæ confusionem, blasphemantes.<\/span> <\/p>\n 5<\/sup>Qui reddent rationem ei qui paratus est judicare vivos et mortuos.<\/span> <\/p>\n 6<\/sup>Propter hoc enim et mortuis evangelizatum est: ut judicentur quidem secundum homines in carne, vivant autem secundum Deum in spiritu.<\/span> <\/p>\n 7<\/sup>Omnium autem finis appropinquavit. Estote itaque prudentes, et vigilate in orationibus.<\/span> <\/p>\n 8<\/sup>Ante omnia autem, mutuam in vobismetipsis caritatem continuam habentes: quia caritas operit multitudinem peccatorum.<\/span> <\/p>\n 9<\/sup>Hospitales invicem sine murmuratione.<\/span> <\/p>\n 10<\/sup>Unusquisque, sicut accepit gratiam, in alterutrum illam administrantes, sicut boni dispensatores multiformis gratiæ Dei.<\/span> <\/p>\n 11<\/sup>Si quis loquitur, quasi sermones Dei: si quis ministrat, tamquam ex virtute, quam administrat Deus: ut in omnibus honorificetur Deus per Jesum Christum: cui est gloria et imperium in sæcula sæculorum. Amen.<\/span> <\/p>\n 12<\/sup>Carissimi, nolite peregrinari in fervore, qui ad tentationem vobis fit, quasi novi aliquid vobis contingat:<\/span> <\/p>\n 13<\/sup>sed communicantes Christi passionibus gaudete, ut et in revelatione gloriæ ejus gaudeatis exsultantes.<\/span> <\/p>\n 14<\/sup>Si exprobramini in nomine Christi, beati eritis: quoniam quod est honoris, gloriæ, et virtutis Dei, et qui est ejus Spiritus, super vos requiescit.<\/span> <\/p>\n 15<\/sup>Nemo autem vestrum patiatur ut homicida, aut fur, aut maledicus, aut alienorum appetitor.<\/span> <\/p>\n 16<\/sup>Si autem ut christianus, non erubescat: glorificet autem Deum in isto nomine:<\/span> <\/p>\n 17<\/sup>quoniam tempus est ut incipiat judicium a domo Dei. Si autem primum a nobis, quis finis eorum, qui non credunt Dei Evangelio?<\/span> <\/p>\n 18<\/sup>et si justus vix salvabitur, impius et peccator ubi parebunt?<\/span> <\/p>\n 19<\/sup>Itaque et hi, qui patiuntur secundum voluntatem Dei, fideli Creatori commendent animas suas in benefactis.<\/span> <\/p>\n