1<\/sup>Senior Gajo carissimo, quem ego diligo in veritate.<\/span> <\/p>\n 2<\/sup>Carissime, de omnibus orationem facio prospere te ingredi, et valere sicut prospere agit anima tua.<\/span> <\/p>\n 3<\/sup>Gavisus sum valde venientibus fratribus, et testimonium perhibentibus veritati tuæ, sicut tu in veritate ambulas.<\/span> <\/p>\n 4<\/sup>Majorem horum non habeo gratiam, quam ut audiam filios meos in veritate ambulare.<\/span> <\/p>\n 5<\/sup>Carissime, fideliter facis quidquid operaris in fratres, et hoc in peregrinos,<\/span> <\/p>\n 6<\/sup>qui testimonium reddiderunt caritati tuæ in conspectu ecclesiæ: quos, benefaciens, deduces digne Deo.<\/span> <\/p>\n 7<\/sup>Pro nomine enim ejus profecti sunt, nihil accipientes a gentibus.<\/span> <\/p>\n 8<\/sup>Nos ergo debemus suscipere hujusmodi, ut cooperatores simus veritatis.<\/span> <\/p>\n 9<\/sup>Scripsissem forsitan ecclesiæ: sed is qui amat primatum genere in eis, Diotrephes, non recipit nos:<\/span> <\/p>\n 10<\/sup>propter hoc si venero, commonebo ejus opera, quæ facit, verbis malignis garriens in nos: et quasi non ei ista sufficiant, neque ipse suscipit fratres: et eos qui suscipiunt, prohibet, et de ecclesia ejicit.<\/span> <\/p>\n 11<\/sup>Carissime, noli imitari malum, sed quod bonum est. Qui benefacit, ex Deo est: qui malefacit, non vidit Deum.<\/span> <\/p>\n 12<\/sup>Demetrio testimonium redditur ab omnibus, et ab ipsa veritate, sed et nos testimonium perhibemus: et nosti quoniam testimonium nostrum verum est.<\/span> <\/p>\n 13<\/sup>Multa habui tibi scribere: sed nolui per atramentum et calamum scribere tibi.<\/span> <\/p>\n 14<\/sup>Spero autem protinus te videre, et os ad os loquemur. Pax tibi. Salutant te amici. Saluta amicos nominatim.<\/span> <\/p>\n