1<\/sup>Et factum est cum intraret Jesus in domum cujusdam principis pharisæorum sabbato manducare panem, et ipsi observabant eum.<\/span> <\/p>\n 2<\/sup>Et ecce homo quidam hydropicus erat ante illum.<\/span> <\/p>\n 3<\/sup>Et respondens Jesus dixit ad legisperitos et pharisæos, dicens: Si licet sabbato curare?<\/span> <\/p>\n 4<\/sup>At illi tacuerunt. Ipse vero apprehensum sanavit eum, ac dimisit.<\/span> <\/p>\n 5<\/sup>Et respondens ad illos dixit: Cujus vestrum asinus, aut bos in puteum cadet, et non continuo extrahet illum die sabbati?<\/span> <\/p>\n 6<\/sup>Et non poterant ad hæc respondere illi.<\/span> <\/p>\n 7<\/sup>Dicebat autem et ad invitatos parabolam, intendens quomodo primos accubitus eligerent, dicens ad illos:<\/span> <\/p>\n 8<\/sup>Cum invitatus fueris ad nuptias, non discumbas in primo loco, ne forte honoratior te sit invitatus ab illo.<\/span> <\/p>\n 9<\/sup>Et veniens is, qui te et illum vocavit, dicat tibi: Da huic locum: et tunc incipias cum rubore novissimum locum tenere.<\/span> <\/p>\n 10<\/sup>Sed cum vocatus fueris, vade, recumbe in novissimo loco: ut, cum venerit qui te invitavit, dicat tibi: Amice, ascende superius. Tunc erit tibi gloria coram simul discumbentibus:<\/span> <\/p>\n 11<\/sup>quia omnis, qui se exaltat, humiliabitur: et qui se humiliat, exaltabitur.<\/span> <\/p>\n 12<\/sup>Dicebat autem et ei, qui invitaverat: Cum facis prandium, aut cœnam, noli vocare amicos tuos, neque fratres tuos, neque cognatos, neque vicinos divites: ne forte te et ipsi reinvitent, et fiat tibi retributio;<\/span> <\/p>\n 13<\/sup>sed cum facis convivium, voca pauperes, debiles, claudos, et cæcos:<\/span> <\/p>\n 14<\/sup>et beatus eris, quia non habent retribuere tibi: retribuetur enim tibi in resurrectione justorum.<\/span> <\/p>\n 15<\/sup>Hæc cum audisset quidam de simul discumbentibus, dixit illi: Beatus qui manducabit panem in regno Dei.<\/span> <\/p>\n 16<\/sup>At ipse dixit ei: Homo quidam fecit cœnam magnam, et vocavit multos.<\/span> <\/p>\n 17<\/sup>Et misit servum suum hora cœnæ dicere invitatis ut venirent, quia jam parata sunt omnia.<\/span> <\/p>\n 18<\/sup>Et cœperunt simul omnes excusare. Primus dixit ei: Villam emi, et necesse habeo exire, et videre illam: rogo te, habe me excusatum.<\/span> <\/p>\n 19<\/sup>Et alter dixit: Juga boum emi quinque, et eo probare illa: rogo te, habe me excusatum.<\/span> <\/p>\n 20<\/sup>Et alius dixit: Uxorem duxi, et ideo non possum venire.<\/span> <\/p>\n 21<\/sup>Et reversus servus nuntiavit hæc domino suo. Tunc iratus paterfamilias, dixit servo suo: Exi cito in plateas et vicos civitatis: et pauperes, ac debiles, et cæcos, et claudos introduc huc.<\/span> <\/p>\n 22<\/sup>Et ait servus: Domine, factum est ut imperasti, et adhuc locus est.<\/span> <\/p>\n 23<\/sup>Et ait dominus servo: Exi in vias, et sæpes: et compelle intrare, ut impleatur domus mea.<\/span> <\/p>\n 24<\/sup>Dico autem vobis quod nemo virorum illorum qui vocati sunt, gustabit cœnam meam.<\/span> <\/p>\n 25<\/sup>Ibant autem turbæ multæ cum eo: et conversus dixit ad illos:<\/span> <\/p>\n 26<\/sup>Si quis venit ad me, et non odit patrem suum, et matrem, et uxorem, et filios, et fratres, et sorores, adhuc autem et animam suam, non potest meus esse discipulus.<\/span> <\/p>\n 27<\/sup>Et qui non bajulat crucem suam, et venit post me, non potest meus esse discipulus.<\/span> <\/p>\n 28<\/sup>Quis enim ex vobis volens turrim ædificare, non prius sedens computat sumptus, qui necessarii sunt, si habeat ad perficiendum,<\/span> <\/p>\n 29<\/sup>ne, posteaquam posuerit fundamentum, et non potuerit perficere, omnes qui vident, incipiant illudere ei,<\/span> <\/p>\n 30<\/sup>dicentes: Quia hic homo cœpit ædificare, et non potuit consummare?<\/span> <\/p>\n 31<\/sup>Aut quis rex iturus committere bellum adversus alium regem, non sedens prius cogitat, si possit cum decem millibus occurrere ei, qui cum viginti millibus venit ad se?<\/span> <\/p>\n 32<\/sup>Alioquin adhuc illo longe agente, legationem mittens rogat ea quæ pacis sunt.<\/span> <\/p>\n 33<\/sup>Sic ergo omnis ex vobis, qui non renuntiat omnibus quæ possidet, non potest meus esse discipulus.<\/span> <\/p>\n 34<\/sup>Bonum est sal: si autem sal evanuerit, in quo condietur?<\/span> <\/p>\n 35<\/sup>Neque in terram, neque in sterquilinium utile est, sed foras mittetur. Qui habet aures audiendi, audiat.<\/span> <\/p>\n