1<\/sup>Jesus ergo ante sex dies Paschæ venit Bethaniam, ubi Lazarus fuerat mortuus, quem suscitavit Jesus.<\/span> <\/p>\n 2<\/sup>Fecerunt autem ei cœnam ibi, et Martha ministrabat, Lazarus vero unus erat ex discumbentibus cum eo.<\/span> <\/p>\n 3<\/sup>Maria ergo accepit libram unguenti nardi pistici pretiosi, et unxit pedes Jesu, et extersit pedes ejus capillis suis: et domus impleta est ex odore unguenti.<\/span> <\/p>\n 4<\/sup>Dixit ergo unus ex discipulis ejus, Judas Iscariotes, qui erat eum traditurus:<\/span> <\/p>\n 5<\/sup>Quare hoc unguentum non veniit trecentis denariis, et datum est egenis?<\/span> <\/p>\n 6<\/sup>Dixit autem hoc, non quia de egenis pertinebat ad eum, sed quia fur erat, et loculos habens, ea quæ mittebantur, portabat.<\/span> <\/p>\n 7<\/sup>Dixit ergo Jesus: Sinite illam ut in diem sepulturæ meæ servet illud.<\/span> <\/p>\n 8<\/sup>Pauperes enim semper habetis vobiscum: me autem non semper habetis.<\/span> <\/p>\n 9<\/sup>Cognovit ergo turba multa ex Judæis quia illic est, et venerunt, non propter Jesum tantum, sed ut Lazarum viderent, quem suscitavit a mortuis.<\/span> <\/p>\n 10<\/sup>Cogitaverunt autem principes sacerdotum ut et Lazarum interficerent:<\/span> <\/p>\n 11<\/sup>quia multi propter illum abibant ex Judæis, et credebant in Jesum.<\/span> <\/p>\n 12<\/sup>In crastinum autem, turba multa quæ venerat ad diem festum, cum audissent quia venit Jesus Jerosolymam,<\/span> <\/p>\n 13<\/sup>acceperunt ramos palmarum, et processerunt obviam ei, et clamabant: Hosanna, benedictus qui venit in nomine Domini, rex Israël.<\/span> <\/p>\n 14<\/sup>Et invenit Jesus asellum, et sedit super eum, sicut scriptum est:<\/span> <\/p>\n 15<\/sup>Noli timere, filia Sion: ecce rex tuus venit sedens super pullum asinæ.<\/span> <\/p>\n 16<\/sup>Hæc non cognoverunt discipuli ejus primum: sed quando glorificatus est Jesus, tunc recordati sunt quia hæc erant scripta de eo, et hæc fecerunt ei.<\/span> <\/p>\n 17<\/sup>Testimonium ergo perhibebat turba, quæ erat cum eo quando Lazarum vocavit de monumento, et suscitavit eum a mortuis.<\/span> <\/p>\n 18<\/sup>Propterea et obviam venit ei turba: quia audierunt fecisse hoc signum.<\/span> <\/p>\n 19<\/sup>Pharisæi ergo dixerunt ad semetipsos: Videtis quia nihil proficimus? ecce mundus totus post eum abiit.<\/span> <\/p>\n 20<\/sup>Erant autem quidam gentiles, ex his qui ascenderant ut adorarent in die festo.<\/span> <\/p>\n 21<\/sup>Hi ergo accesserunt ad Philippum, qui erat a Bethsaida Galilææ, et rogabant eum, dicentes: Domine, volumus Jesum videre.<\/span> <\/p>\n 22<\/sup>Venit Philippus, et dicit Andreæ; Andreas rursum et Philippus dixerunt Jesu.<\/span> <\/p>\n 23<\/sup>Jesus autem respondit eis, dicens: Venit hora, ut clarificetur Filius hominis.<\/span> <\/p>\n 24<\/sup>Amen, amen dico vobis, nisi granum frumenti cadens in terram, mortuum fuerit,<\/span> <\/p>\n 25<\/sup>ipsum solum manet: si autem mortuum fuerit, multum fructum affert. Qui amat animam suam, perdet eam; et qui odit animam suam in hoc mundo, in vitam æternam custodit eam.<\/span> <\/p>\n 26<\/sup>Si quis mihi ministrat, me sequatur, et ubi sum ego, illic et minister meus erit. Si quis mihi ministraverit, honorificabit eum Pater meus.<\/span> <\/p>\n 27<\/sup>Nunc anima mea turbata est. Et quid dicam? Pater, salvifica me ex hac hora. Sed propterea veni in horam hanc:<\/span> <\/p>\n 28<\/sup>Pater, clarifica nomen tuum. Venit ergo vox de cælo: Et clarificavi, et iterum clarificabo.<\/span> <\/p>\n 29<\/sup>Turba ergo, quæ stabat, et audierat, dicebat tonitruum esse factum. Alii dicebant: Angelus ei locutus est.<\/span> <\/p>\n 30<\/sup>Respondit Jesus, et dixit: Non propter me hæc vox venit, sed propter vos.<\/span> <\/p>\n 31<\/sup>Nunc judicium est mundi: nunc princeps hujus mundi ejicietur foras.<\/span> <\/p>\n 32<\/sup>Et ego, si exaltatus fuero a terra, omnia traham ad meipsum.<\/span> <\/p>\n 33<\/sup>(Hoc autem dicebat, significans qua morte esset moriturus.)<\/span> <\/p>\n 34<\/sup>Respondit ei turba: Nos audivimus ex lege, quia Christus manet in æternum: et quomodo tu dicis: Oportet exaltari Filium hominis? quis est iste Filius hominis?<\/span> <\/p>\n 35<\/sup>Dixit ergo eis Jesus: Adhuc modicum, lumen in vobis est. Ambulate dum lucem habetis, ut non vos tenebræ comprehendant; et qui ambulat in tenebris, nescit quo vadat.<\/span> <\/p>\n 36<\/sup>Dum lucem habetis, credite in lucem, ut filii lucis sitis. Hæc locutus est Jesus, et abiit et abscondit se ab eis.<\/span> <\/p>\n 37<\/sup>Cum autem tanta signa fecisset coram eis, non credebant in eum;<\/span> <\/p>\n 38<\/sup>ut sermo Isaiæ prophetæ impleretur, quem dixit: Domine, quis credidit auditui nostro? et brachium Domini cui revelatum est?<\/span> <\/p>\n 39<\/sup>Propterea non poterant credere, quia iterum dixit Isaias:<\/span> <\/p>\n 40<\/sup>Excæcavit oculos eorum, et induravit cor eorum ut non videant oculis, et non intelligant corde, et convertantur, et sanem eos.<\/span> <\/p>\n 41<\/sup>Hæc dixit Isaias, quando vidit gloriam ejus, et locutus est de eo.<\/span> <\/p>\n 42<\/sup>Verumtamen et ex principibus multi crediderunt in eum: sed propter pharisæos non confitebantur, ut e synagoga non ejicerentur.<\/span> <\/p>\n 43<\/sup>Dilexerunt enim gloriam hominum magis quam gloriam Dei.<\/span> <\/p>\n 44<\/sup>Jesus autem clamavit, et dixit: Qui credit in me, non credit in me, sed in eum qui misit me.<\/span> <\/p>\n 45<\/sup>Et qui videt me, videt eum qui misit me.<\/span> <\/p>\n 46<\/sup>Ego lux in mundum veni, ut omnis qui credit in me, in tenebris non maneat.<\/span> <\/p>\n 47<\/sup>Et si quis audierit verba mea, et non custodierit, ego non judico eum; non enim veni ut judicem mundum, sed ut salvificem mundum.<\/span> <\/p>\n 48<\/sup>Qui spernit me et non accipit verba mea, habet qui judicet eum. Sermo quem locutus sum, ille judicabit eum in novissimo die.<\/span> <\/p>\n 49<\/sup>Quia ego ex meipso non sum locutus, sed qui misit me, Pater, ipse mihi mandatum dedit quid dicam et quid loquar.<\/span> <\/p>\n 50<\/sup>Et scio quia mandatum ejus vita æterna est: quæ ergo ego loquor, sicut dixit mihi Pater, sic loquor.<\/span> <\/p>\n