1<\/sup>Factum est autem cum Apollo esset Corinthi, ut Paulus peragratis superioribus partibus veniret Ephesum, et inveniret quosdam discipulos:<\/span> <\/p>\n 2<\/sup>dixitque ad eos: Si Spiritum Sanctum accepistis credentes? At illi dixerunt ad eum: Sed neque si Spiritus Sanctus est, audivimus.<\/span> <\/p>\n 3<\/sup>Ille vero ait: In quo ergo baptizati estis? Qui dixerunt: In Joannis baptismate.<\/span> <\/p>\n 4<\/sup>Dixit autem Paulus: Joannes baptizavit baptismo pœnitentiæ populum, dicens in eum qui venturus esset post ipsum ut crederent, hoc est, in Jesum.<\/span> <\/p>\n 5<\/sup>His auditis, baptizati sunt in nomine Domini Jesu.<\/span> <\/p>\n 6<\/sup>Et cum imposuisset illis manus Paulus, venit Spiritus Sanctus super eos, et loquebantur linguis, et prophetabant.<\/span> <\/p>\n 7<\/sup>Erant autem omnes viri fere duodecim.<\/span> <\/p>\n 8<\/sup>Introgressus autem synagogam, cum fiducia loquebatur per tres menses, disputans et suadens de regno Dei.<\/span> <\/p>\n 9<\/sup>Cum autem quidam indurarentur, et non crederent, maledicentes viam Domini coram multitudine, discedens ab eis, segregavit discipulos, quotidie disputans in schola tyranni cujusdam.<\/span> <\/p>\n 10<\/sup>Hoc autem factum est per biennium, ita ut omnes qui habitabant in Asia audirent verbum Domini, Judæi atque gentiles.<\/span> <\/p>\n 11<\/sup>Virtutesque non quaslibet faciebat Deus per manum Pauli,<\/span> <\/p>\n 12<\/sup>ita ut etiam super languidos deferrentur a corpore ejus sudaria et semicinctia, et recedebant ab eis languores, et spiritus nequam egrediebantur.<\/span> <\/p>\n 13<\/sup>Tentaverunt autem quidam et de circumeuntibus Judæis exorcistis invocare super eos qui habebant spiritus malos nomen Domini Jesu, dicentes: Adjuro vos per Jesum, quem Paulus prædicat.<\/span> <\/p>\n 14<\/sup>Erant autem quidam Judæi, Scevæ principis sacerdotum septem filii, qui hoc faciebant.<\/span> <\/p>\n 15<\/sup>Respondens autem spiritus nequam dixit eis: Jesum novi, et Paulum scio: vos autem qui estis?<\/span> <\/p>\n 16<\/sup>Et insiliens in eos homo, in quo erat dæmonium pessimum, et dominatus amborum, invaluit contra eos, ita ut nudi et vulnerati effugerent de domo illa.<\/span> <\/p>\n 17<\/sup>Hoc autem notum factum est omnibus Judæis, atque gentilibus qui habitabant Ephesi: et cecidit timor super omnes illos, et magnificabatur nomen Domini Jesu.<\/span> <\/p>\n 18<\/sup>Multique credentium veniebant, confitentes et annuntiantes actus suos.<\/span> <\/p>\n 19<\/sup>Multi autem ex eis, qui fuerant curiosa sectati, contulerunt libros, et combusserunt coram omnibus: et computatis pretiis illorum, invenerunt pecuniam denariorum quinquaginta millium.<\/span> <\/p>\n 20<\/sup>Ita fortiter crescebat verbum Dei, et confirmabatur.<\/span> <\/p>\n 21<\/sup>His autem expletis, proposuit Paulus in Spiritu, transita Macedonia et Achaia, ire Jerosolymam, dicens: Quoniam postquam fuero ibi, oportet me et Romam videre.<\/span> <\/p>\n 22<\/sup>Mittens autem in Macedoniam duos ex ministrantibus sibi, Timotheum et Erastum, ipse remansit ad tempus in Asia.<\/span> <\/p>\n 23<\/sup>Facta est autem illo tempore turbatio non minima de via Domini.<\/span> <\/p>\n 24<\/sup>Demetrius enim quidam nomine, argentarius, faciens ædes argenteas Dianæ, præstabat artificibus non modicum quæstum:<\/span> <\/p>\n 25<\/sup>quos convocans, et eos qui hujusmodi erant opifices, dixit: Viri, scitis quia de hoc artificio est nobis acquisitio:<\/span> <\/p>\n 26<\/sup>et videtis et auditis quia non solum Ephesi, sed pene totius Asiæ, Paulus hic suadens avertit multam turbam, dicens: Quoniam non sunt dii, qui manibus fiunt.<\/span> <\/p>\n 27<\/sup>Non solum autem hæc periclitabitur nobis pars in redargutionem venire, sed et magnæ Dianæ templum in nihilum reputabitur, sed et destrui incipiet majestas ejus, quam tota Asia et orbis colit.<\/span> <\/p>\n 28<\/sup>His auditis, repleti sunt ira, et exclamaverunt dicentes: Magna Diana Ephesiorum.<\/span> <\/p>\n 29<\/sup>Et impleta est civitas confusione, et impetum fecerunt uno animo in theatrum, rapto Gajo et Aristarcho Macedonibus, comitibus Pauli.<\/span> <\/p>\n 30<\/sup>Paulo autem volente intrare in populum, non permiserunt discipuli.<\/span> <\/p>\n 31<\/sup>Quidam autem et de Asiæ principibus, qui erant amici ejus, miserunt ad eum rogantes ne se daret in theatrum:<\/span> <\/p>\n 32<\/sup>alii autem aliud clamabant. Erat enim ecclesia confusa: et plures nesciebant qua ex causa convenissent.<\/span> <\/p>\n 33<\/sup>De turba autem detraxerunt Alexandrum, propellentibus eum Judæis. Alexander autem manu silentio postulato, volebat reddere rationem populo.<\/span> <\/p>\n 34<\/sup>Quem ut cognoverunt Judæum esse, vox facta una est omnium, quasi per horas duas clamantium: Magna Diana Ephesiorum.<\/span> <\/p>\n 35<\/sup>Et cum sedasset scriba turbas, dixit: Viri Ephesii, quis enim est hominum, qui nesciat Ephesiorum civitatem cultricem esse magnæ Dianæ, Jovisque prolis?<\/span> <\/p>\n 36<\/sup>Cum ergo his contradici non possit, oportet vos sedatos esse, et nihil temere agere.<\/span> <\/p>\n 37<\/sup>Adduxistis enim homines istos, neque sacrilegos, neque blasphemantes deam vestram.<\/span> <\/p>\n 38<\/sup>Quod si Demetrius et qui cum eo sunt artifices, habent adversus aliquem causam, conventus forenses aguntur, et proconsules sunt: accusent invicem.<\/span> <\/p>\n 39<\/sup>Si quid autem alterius rei quæritis, in legitima ecclesia poterit absolvi.<\/span> <\/p>\n 40<\/sup>Nam et periclitamur argui seditionis hodiernæ, cum nullus obnoxius sit de quo possimus reddere rationem concursus istius. Et cum hæc dixisset, dimisit ecclesiam.<\/span> <\/p>\n