1<\/sup>Dico ergo: Numquid Deus repulit populum suum? Absit. Nam et ego Israëlita sum ex semine Abraham, de tribu Benjamin:<\/span> <\/p>\n 2<\/sup>non repulit Deus plebem suam, quam præscivit. An nescitis in Elia quid dicit Scriptura? quemadmodum interpellat Deum adversum Israël:<\/span> <\/p>\n 3<\/sup>Domine, prophetas tuos occiderunt, altaria tua suffoderunt: et ego relictus sum solus, et quærunt animam meam.<\/span> <\/p>\n 4<\/sup>Sed quid dicit illi divinum responsum? Reliqui mihi septem millia virorum, qui non curvaverunt genua ante Baal.<\/span> <\/p>\n 5<\/sup>Sic ergo et in hoc tempore reliquiæ secundum electionem gratiæ salvæ factæ sunt.<\/span> <\/p>\n 6<\/sup>Si autem gratia, jam non ex operibus: alioquin gratia jam non est gratia.<\/span> <\/p>\n 7<\/sup>Quid ergo? Quod quærebat Israël, hoc non est consecutus: electio autem consecuta est: ceteri vero excæcati sunt:<\/span> <\/p>\n 8<\/sup>sicut scriptum est: Dedit illis Deus spiritum compunctionis: oculos ut non videant, et aures ut non audiant, usque in hodiernum diem.<\/span> <\/p>\n 9<\/sup>Et David dicit: Fiat mensa eorum in laqueum, et in captionem, et in scandalum, et in retributionem illis.<\/span> <\/p>\n 10<\/sup>Obscurentur oculi eorum ne videant: et dorsum eorum semper incurva.<\/span> <\/p>\n 11<\/sup>Dico ergo: Numquid sic offenderunt ut caderent? Absit. Sed illorum delicto, salus est gentibus ut illos æmulentur.<\/span> <\/p>\n 12<\/sup>Quod si delictum illorum divitiæ sunt mundi, et diminutio eorum divitiæ gentium: quanto magis plenitudo eorum?<\/span> <\/p>\n 13<\/sup>Vobis enim dico gentibus: Quamdiu quidem ego sum gentium Apostolus, ministerium meum honorificabo,<\/span> <\/p>\n 14<\/sup>si quomodo ad æmulandum provocem carnem meam, et salvos faciam aliquos ex illis.<\/span> <\/p>\n 15<\/sup>Si enim amissio eorum, reconciliatio est mundi: quæ assumptio, nisi vita ex mortuis?<\/span> <\/p>\n 16<\/sup>Quod si delibatio sancta est, et massa: et si radix sancta, et rami.<\/span> <\/p>\n 17<\/sup>Quod si aliqui ex ramis fracti sunt, tu autem cum oleaster esses, insertus es in illis, et socius radicis, et pinguedinis olivæ factus es,<\/span> <\/p>\n 18<\/sup>noli gloriari adversus ramos. Quod si gloriaris: non tu radicem portas, sed radix te.<\/span> <\/p>\n 19<\/sup>Dices ergo: Fracti sunt rami ut ego inserar.<\/span> <\/p>\n 20<\/sup>Bene: propter incredulitatem fracti sunt. Tu autem fide stas: noli altum sapere, sed time.<\/span> <\/p>\n 21<\/sup>Si enim Deus naturalibus ramis non pepercit: ne forte nec tibi parcat.<\/span> <\/p>\n 22<\/sup>Vide ergo bonitatem, et severitatem Dei: in eos quidem qui ceciderunt, severitatem: in te autem bonitatem Dei, si permanseris in bonitate, alioquin et tu excideris.<\/span> <\/p>\n 23<\/sup>Sed et illi, si non permanserint in incredulitate, inserentur: potens est enim Deus iterum inserere illos.<\/span> <\/p>\n 24<\/sup>Nam si tu ex naturali excisus es oleastro, et contra naturam insertus es in bonam olivam: quanto magis ii qui secundum naturam inserentur suæ olivæ?<\/span> <\/p>\n 25<\/sup>Nolo enim vos ignorare, fratres, mysterium hoc (ut non sitis vobis ipsis sapientes), quia cæcitas ex parte contigit in Israël, donec plenitudo gentium intraret,<\/span> <\/p>\n 26<\/sup>et sic omnis Israël salvus fieret, sicut scriptum est: Veniet ex Sion, qui eripiat, et avertat impietatem a Jacob.<\/span> <\/p>\n 27<\/sup>Et hoc illis a me testamentum: cum abstulero peccata eorum.<\/span> <\/p>\n 28<\/sup>Secundum Evangelium quidem, inimici propter vos: secundum electionem autem, carissimi propter patres.<\/span> <\/p>\n 29<\/sup>Sine pœnitentia enim sunt dona et vocatio Dei.<\/span> <\/p>\n 30<\/sup>Sicut enim aliquando et vos non credidistis Deo, nunc autem misericordiam consecuti estis propter incredulitatem illorum:<\/span> <\/p>\n 31<\/sup>ita et isti nunc non crediderunt in vestram misericordiam: ut et ipsi misericordiam consequantur.<\/span> <\/p>\n 32<\/sup>Conclusit enim Deus omnia in incredulitate, ut omnium misereatur.<\/span> <\/p>\n 33<\/sup>O altitudo divitiarum sapientiæ, et scientiæ Dei: quam incomprehensibilia sunt judicia ejus, et investigabiles viæ ejus!<\/span> <\/p>\n 34<\/sup>Quis enim cognovit sensum Domini? aut quis consiliarius ejus fuit?<\/span> <\/p>\n 35<\/sup>aut quis prior dedit illi, et retribuetur ei?<\/span> <\/p>\n 36<\/sup>Quoniam ex ipso, et per ipsum, et in ipso sunt omnia: ipsi gloria in sæcula. Amen.<\/span> <\/p>\n