1<\/sup>Justificati ergo ex fide, pacem habeamus ad Deum per Dominum nostrum Jesum Christum:<\/span> <\/p>\n 2<\/sup>per quem et habemus accessum per fidem in gratiam istam, in qua stamus, et gloriamur in spe gloriæ filiorum Dei.<\/span> <\/p>\n 3<\/sup>Non solum autem, sed et gloriamur in tribulationibus: scientes quod tribulatio patientiam operatur:<\/span> <\/p>\n 4<\/sup>patientia autem probationem, probatio vero spem,<\/span> <\/p>\n 5<\/sup>spes autem non confundit: quia caritas Dei diffusa est in cordibus nostris per Spiritum Sanctum, qui datus est nobis.<\/span> <\/p>\n 6<\/sup>Ut quid enim Christus, cum adhuc infirmi essemus, secundum tempus, pro impiis mortuus est?<\/span> <\/p>\n 7<\/sup>vix enim pro justo quis moritur: nam pro bono forsitan quis audeat mori.<\/span> <\/p>\n 8<\/sup>Commendat autem caritatem suam Deus in nobis: quoniam cum adhuc peccatores essemus, secundum tempus,<\/span> <\/p>\n 9<\/sup>Christus pro nobis mortuus est: multo igitur magis nunc justificati in sanguine ipsius, salvi erimus ab ira per ipsum.<\/span> <\/p>\n 10<\/sup>Si enim cum inimici essemus, reconciliati sumus Deo per mortem filii ejus: multo magis reconciliati, salvi erimus in vita ipsius.<\/span> <\/p>\n 11<\/sup>Non solum autem: sed et gloriamur in Deo per Dominum nostrum Jesum Christum, per quem nunc reconciliationem accepimus.<\/span> <\/p>\n 12<\/sup>Propterea sicut per unum hominem peccatum in hunc mundum intravit, et per peccatum mors, et ita in omnes homines mors pertransiit, in quo omnes peccaverunt.<\/span> <\/p>\n 13<\/sup>Usque ad legem enim peccatum erat in mundo: peccatum autem non imputabatur, cum lex non esset.<\/span> <\/p>\n 14<\/sup>Sed regnavit mors ab Adam usque ad Moysen etiam in eos qui non peccaverunt in similitudinem prævaricationis Adæ, qui est forma futuri.<\/span> <\/p>\n 15<\/sup>Sed non sicut delictum, ita et donum: si enim unius delicto multi mortui sunt: multo magis gratia Dei et donum in gratia unius hominis Jesu Christi in plures abundavit.<\/span> <\/p>\n 16<\/sup>Et non sicut per unum peccatum, ita et donum. Nam judicium quidem ex uno in condemnationem: gratia autem ex multis delictis in justificationem.<\/span> <\/p>\n 17<\/sup>Si enim unius delicto mors regnavit per unum: multo magis abundantiam gratiæ, et donationis, et justitiæ accipientes, in vita regnabunt per unum Jesum Christum.<\/span> <\/p>\n 18<\/sup>Igitur sicut per unius delictum in omnes homines in condemnationem: sic et per unius justitiam in omnes homines in justificationem vitæ.<\/span> <\/p>\n 19<\/sup>Sicut enim per inobedientiam unius hominis, peccatores constituti sunt multi: ita et per unius obeditionem, justi constituentur multi.<\/span> <\/p>\n 20<\/sup>Lex autem subintravit ut abundaret delictum. Ubi autem abundavit delictum, superabundavit gratia:<\/span> <\/p>\n 21<\/sup>ut sicut regnavit peccatum in mortem: ita et gratia regnet per justitiam in vitam æternam, per Jesum Christum Dominum nostrum.<\/span> <\/p>\n