1<\/sup>Nihil ergo nunc damnationis est iis qui sunt in Christo Jesu: qui non secundum carnem ambulant.<\/span> <\/p>\n 2<\/sup>Lex enim spiritus vitæ in Christo Jesu liberavit me a lege peccati et mortis.<\/span> <\/p>\n 3<\/sup>Nam quod impossibile erat legi, in quo infirmabatur per carnem: Deus Filium suum mittens in similitudinem carnis peccati et de peccato, damnavit peccatum in carne,<\/span> <\/p>\n 4<\/sup>et justificatio legis impleretur in nobis, qui non secundum carnem ambulamus, sed secundum spiritum.<\/span> <\/p>\n 5<\/sup>Qui enim secundum carnem sunt, quæ carnis sunt, sapiunt: qui vero secundum spiritum sunt, quæ sunt spiritus, sentiunt.<\/span> <\/p>\n 6<\/sup>Nam prudentia carnis, mors est: prudentia autem spiritus, vita et pax:<\/span> <\/p>\n 7<\/sup>quoniam sapientia carnis inimica est Deo: legi enim Dei non est subjecta, nec enim potest.<\/span> <\/p>\n 8<\/sup>Qui autem in carne sunt, Deo placere non possunt.<\/span> <\/p>\n 9<\/sup>Vos autem in carne non estis, sed in spiritu: si tamen Spiritus Dei habitat in vobis. Si quis autem Spiritum Christi non habet, hic non est ejus.<\/span> <\/p>\n 10<\/sup>Si autem Christus in vobis est, corpus quidem mortuum est propter peccatum, spiritus vero vivit propter justificationem.<\/span> <\/p>\n 11<\/sup>Quod si Spiritus ejus, qui suscitavit Jesum a mortuis, habitat in vobis: qui suscitavit Jesum Christum a mortuis, vivificabit et mortalia corpora vestra, propter inhabitantem Spiritum ejus in vobis.<\/span> <\/p>\n 12<\/sup>Ergo fratres, debitores sumus non carni, ut secundum carnem vivamus.<\/span> <\/p>\n 13<\/sup>Si enim secundum carnem vixeritis, moriemini: si autem spiritu facta carnis mortificaveritis, vivetis.<\/span> <\/p>\n 14<\/sup>Quicumque enim Spiritu Dei aguntur, ii sunt filii Dei.<\/span> <\/p>\n 15<\/sup>Non enim accepistis spiritum servitutis iterum in timore, sed accepistis spiritum adoptionis filiorum, in quo clamamus: Abba (Pater).<\/span> <\/p>\n 16<\/sup>Ipse enim Spiritus testimonium reddit spiritui nostro quod sumus filii Dei.<\/span> <\/p>\n 17<\/sup>Si autem filii, et hæredes: hæredes, quidem Dei, cohæredes autem Christi: si tamen compatimur ut et conglorificemur.<\/span> <\/p>\n 18<\/sup>Existimo enim quod non sunt condignæ passiones hujus temporis ad futuram gloriam, quæ revelabitur in nobis.<\/span> <\/p>\n 19<\/sup>Nam exspectatio creaturæ revelationem filiorum Dei exspectat.<\/span> <\/p>\n 20<\/sup>Vanitati enim creatura subjecta est non volens, sed propter eum, qui subjecit eam in spe:<\/span> <\/p>\n 21<\/sup>quia et ipsa creatura liberabitur a servitute corruptionis in libertatem gloriæ filiorum Dei.<\/span> <\/p>\n 22<\/sup>Scimus enim quod omnis creatura ingemiscit, et parturit usque adhuc.<\/span> <\/p>\n 23<\/sup>Non solum autem illa, sed et nos ipsi primitias spiritus habentes: et ipsi intra nos gemimus adoptionem filiorum Dei exspectantes, redemptionem corporis nostri.<\/span> <\/p>\n 24<\/sup>Spe enim salvi facti sumus. Spes autem, quæ videtur, non est spes: nam quod videt quis, quid sperat?<\/span> <\/p>\n 25<\/sup>Si autem quod non videmus, speramus: per patientiam exspectamus.<\/span> <\/p>\n 26<\/sup>Similiter autem et Spiritus adjuvat infirmitatem nostram: nam quid oremus, sicut oportet, nescimus: sed ipse Spiritus postulat pro nobis gemitibus inenarrabilibus.<\/span> <\/p>\n 27<\/sup>Qui autem scrutatur corda, scit quid desideret Spiritus: quia secundum Deum postulat pro sanctis.<\/span> <\/p>\n 28<\/sup>Scimus autem quoniam diligentibus Deum omnia cooperantur in bonum, iis qui secundum propositum vocati sunt sancti.<\/span> <\/p>\n 29<\/sup>Nam quos præscivit, et prædestinavit conformes fieri imaginis Filii sui, ut sit ipse primogenitus in multis fratribus.<\/span> <\/p>\n 30<\/sup>Quos autem prædestinavit, hos et vocavit: et quos vocavit, hos et justificavit: quos autem justificavit, illos et glorificavit.<\/span> <\/p>\n 31<\/sup>Quid ergo dicemus ad hæc? si Deus pro nobis, qui contra nos?<\/span> <\/p>\n 32<\/sup>Qui etiam proprio Filio suo non pepercit, sed pro nobis omnibus tradidit illum: quomodo non etiam cum illo omnia nobis donavit?<\/span> <\/p>\n 33<\/sup>Quis accusabit adversus electos Dei? Deus qui justificat,<\/span> <\/p>\n 34<\/sup>quis est qui condemnet? Christus Jesus, qui mortuus est, immo qui et resurrexit, qui est ad dexteram Dei, qui etiam interpellat pro nobis.<\/span> <\/p>\n 35<\/sup>Quis ergo nos separabit a caritate Christi? tribulatio? an angustia? an fames? an nuditas? an periculum? an persecutio? an gladius?<\/span> <\/p>\n 36<\/sup>(Sicut scriptum est: Quia propter te mortificamur tota die: æstimati sumus sicut oves occisionis.)<\/span> <\/p>\n 37<\/sup>Sed in his omnibus superamus propter eum qui dilexit nos.<\/span> <\/p>\n 38<\/sup>Certus sum enim quia neque mors, neque vita, neque angeli, neque principatus, neque virtutes, neque instantia, neque futura, neque fortitudo,<\/span> <\/p>\n 39<\/sup>neque altitudo, neque profundum, neque creatura alia poterit nos separare a caritate Dei, quæ est in Christo Jesu Domino nostro.<\/span> <\/p>\n