1<\/sup>Imitatores mei estote, sicut et ego Christi.<\/span> <\/p>\n 2<\/sup>Laudo autem vos fratres quod per omnia mei memores estis: et sicut tradidi vobis, præcepta mea tenetis.<\/span> <\/p>\n 3<\/sup>Volo autem vos scire quod omnis viri caput, Christus est: caput autem mulieris, vir: caput vero Christi, Deus.<\/span> <\/p>\n 4<\/sup>Omnis vir orans, aut prophetans velato capite, deturpat caput suum.<\/span> <\/p>\n 5<\/sup>Omnis autem mulier orans, aut prophetans non velato capite, deturpat caput suum: unum enim est ac si decalvetur.<\/span> <\/p>\n 6<\/sup>Nam si non velatur mulier, tondeatur. Si vero turpe est mulieri tonderi, aut decalvari, velet caput suum.<\/span> <\/p>\n 7<\/sup>Vir quidem non debet velare caput suum: quoniam imago et gloria Dei est, mulier autem gloria viri est.<\/span> <\/p>\n 8<\/sup>Non enim vir ex muliere est, sed mulier ex viro.<\/span> <\/p>\n 9<\/sup>Etenim non est creatus vir propter mulierem, sed mulier propter virum.<\/span> <\/p>\n 10<\/sup>Ideo debet mulier potestatem habere supra caput propter angelos.<\/span> <\/p>\n 11<\/sup>Verumtamen neque vir sine muliere: neque mulier sine viro in Domino.<\/span> <\/p>\n 12<\/sup>Nam sicut mulier de viro, ita et vir per mulierem: omnia autem ex Deo.<\/span> <\/p>\n 13<\/sup>Vos ipsi judicate: decet mulierem non velatam orare Deum?<\/span> <\/p>\n 14<\/sup>Nec ipsa natura docet vos, quod vir quidem si comam nutriat, ignominia est illi:<\/span> <\/p>\n 15<\/sup>mulier vero si comam nutriat, gloria est illi: quoniam capilli pro velamine ei dati sunt.<\/span> <\/p>\n 16<\/sup>Si quis autem videtur contentiosus esse: nos talem consuetudinem non habemus, neque ecclesia Dei.<\/span> <\/p>\n 17<\/sup>Hoc autem præcipio: non laudans quod non in melius, sed in deterius convenitis.<\/span> <\/p>\n 18<\/sup>Primum quidem convenientibus vobis in ecclesiam, audio scissuras esse inter vos, et ex parte credo.<\/span> <\/p>\n 19<\/sup>Nam oportet et hæreses esse, ut et qui probati sunt, manifesti fiant in vobis.<\/span> <\/p>\n 20<\/sup>Convenientibus ergo vobis in unum, jam non est Dominicam cœnam manducare.<\/span> <\/p>\n 21<\/sup>Unusquisque enim suam cœnam præsumit ad manducandum, et alius quidem esurit, alius autem ebrius est.<\/span> <\/p>\n 22<\/sup>Numquid domos non habetis ad manducandum, et bibendum? aut ecclesiam Dei contemnitis, et confunditis eos qui non habent? Quid dicam vobis? laudo vos? in hoc non laudo.<\/span> <\/p>\n 23<\/sup>Ego enim accepi a Domino quod et tradidi vobis, quoniam Dominus Jesus in qua nocte tradebatur, accepit panem,<\/span> <\/p>\n 24<\/sup>et gratias agens fregit, et dixit: Accipite, et manducate: hoc est corpus meum, quod pro vobis tradetur: hoc facite in meam commemorationem.<\/span> <\/p>\n 25<\/sup>Similiter et calicem, postquam cœnavit, dicens: Hic calix novum testamentum est in meo sanguine: hoc facite quotiescumque bibetis, in meam commemorationem.<\/span> <\/p>\n 26<\/sup>Quotiescumque enim manducabitis panem hunc, et calicem bibetis, mortem Domini annuntiabitis donec veniat.<\/span> <\/p>\n 27<\/sup>Itaque quicumque manducaverit panem hunc, vel biberit calicem Domini indigne, reus erit corporis et sanguinis Domini.<\/span> <\/p>\n 28<\/sup>Probet autem seipsum homo: et sic de pane illo edat, et de calice bibat.<\/span> <\/p>\n 29<\/sup>Qui enim manducat et bibit indigne, judicium sibi manducat et bibit, non dijudicans corpus Domini.<\/span> <\/p>\n 30<\/sup>Ideo inter vos multi infirmi et imbecilles, et dormiunt multi.<\/span> <\/p>\n 31<\/sup>Quod si nosmetipsos dijudicaremus, non utique judicaremur.<\/span> <\/p>\n 32<\/sup>Dum judicamur autem, a Domino corripimur, ut non cum hoc mundo damnemur.<\/span> <\/p>\n 33<\/sup>Itaque fratres mei, cum convenitis ad manducandum, invicem exspectate.<\/span> <\/p>\n 34<\/sup>Si quis esurit, domi manducet, ut non in judicium conveniatis. Cetera autem, cum venero, disponam.<\/span> <\/p>\n