1<\/sup>Si linguis hominum loquar, et angelorum, caritatem autem non habeam, factus sum velut æs sonans, aut cymbalum tinniens.<\/span> <\/p>\n 2<\/sup>Et si habuero prophetiam, et noverim mysteria omnia, et omnem scientiam: et si habuero omnem fidem ita ut montes transferam, caritatem autem non habuero, nihil sum.<\/span> <\/p>\n 3<\/sup>Et si distribuero in cibos pauperum omnes facultates meas, et si tradidero corpus meum ita ut ardeam, caritatem autem non habuero, nihil mihi prodest.<\/span> <\/p>\n 4<\/sup>Caritas patiens est, benigna est. Caritas non æmulatur, non agit perperam, non inflatur,<\/span> <\/p>\n 5<\/sup>non est ambitiosa, non quærit quæ sua sunt, non irritatur, non cogitat malum,<\/span> <\/p>\n 6<\/sup>non gaudet super iniquitate, congaudet autem veritati:<\/span> <\/p>\n 7<\/sup>omnia suffert, omnia credit, omnia sperat, omnia sustinet.<\/span> <\/p>\n 8<\/sup>Caritas numquam excidit: sive prophetiæ evacuabuntur, sive linguæ cessabunt, sive scientia destruetur.<\/span> <\/p>\n 9<\/sup>Ex parte enim cognoscimus, et ex parte prophetamus.<\/span> <\/p>\n 10<\/sup>Cum autem venerit quod perfectum est, evacuabitur quod ex parte est.<\/span> <\/p>\n 11<\/sup>Cum essem parvulus, loquebar ut parvulus, cogitabam ut parvulus. Quando autem factus sum vir, evacuavi quæ erant parvuli.<\/span> <\/p>\n 12<\/sup>Videmus nunc per speculum in ænigmate: tunc autem facie ad faciem. Nunc cognosco ex parte: tunc autem cognoscam sicut et cognitus sum.<\/span> <\/p>\n 13<\/sup>Nunc autem manent fides, spes, caritas, tria hæc: major autem horum est caritas.<\/span> <\/p>\n