1<\/sup>Paulus vocatus Apostolus Jesu Christi per voluntatem Dei, et Sosthenes frater,<\/span> <\/p>\n 2<\/sup>ecclesiæ Dei, quæ est Corinthi, sanctificatis in Christo Jesu, vocatis sanctis, cum omnibus qui invocant nomen Domini nostri Jesu Christi, in omni loco ipsorum et nostro.<\/span> <\/p>\n 3<\/sup>Gratia vobis, et pax a Deo Patre nostro, et Domino Jesu Christo.<\/span> <\/p>\n 4<\/sup>Gratias ago Deo meo semper pro vobis in gratia Dei, quæ data est vobis in Christo Jesu:<\/span> <\/p>\n 5<\/sup>quod in omnibus divites facti estis in illo, in omni verbo, et in omni scientia.<\/span> <\/p>\n 6<\/sup>Sicut testimonium Christi confirmatum est in vobis:<\/span> <\/p>\n 7<\/sup>ita ut nihil vobis desit in ulla gratia, exspectantibus revelationem Domini nostri Jesu Christi,<\/span> <\/p>\n 8<\/sup>qui et confirmabit vos usque in finem sine crimine, in die adventus Domini nostri Jesu Christi.<\/span> <\/p>\n 9<\/sup>Fidelis Deus: per quem vocati estis in societatem filii ejus Jesu Christi Domini nostri.<\/span> <\/p>\n 10<\/sup>Obsecro autem vos fratres per nomen Domini nostri Jesu Christi: ut idipsum dicatis omnes, et non sint in vobis schismata: sitis autem perfecti in eodem sensu, et in eadem sententia.<\/span> <\/p>\n 11<\/sup>Significatum est enim mihi de vobis fratres mei ab iis, qui sunt Chloës, quia contentiones sunt inter vos.<\/span> <\/p>\n 12<\/sup>Hoc autem dico, quod unusquisque vestrum dicit: Ego quidem sum Pauli: ego autem Apollo: ego vero Cephæ: ego autem Christi.<\/span> <\/p>\n 13<\/sup>Divisus est Christus? numquid Paulus crucifixus est pro vobis? aut in nomine Pauli baptizati estis?<\/span> <\/p>\n 14<\/sup>Gratias ago Deo, quod neminem vestrum baptizavi, nisi Crispum et Caium:<\/span> <\/p>\n 15<\/sup>ne quis dicat quod in nomine meo baptizati estis.<\/span> <\/p>\n 16<\/sup>Baptizavi autem et Stephanæ domum: ceterum nescio si quem alium baptizaverim.<\/span> <\/p>\n 17<\/sup>Non enim misit me Christus baptizare, sed evangelizare: non in sapientia verbi, ut non evacuetur crux Christi.<\/span> <\/p>\n 18<\/sup>Verbum enim crucis pereuntibus quidem stultitia est: iis autem qui salvi fiunt, id est nobis, Dei virtus est.<\/span> <\/p>\n 19<\/sup>Scriptum est enim: Perdam sapientiam sapientium, et prudentiam prudentium reprobabo.<\/span> <\/p>\n 20<\/sup>Ubi sapiens? ubi scriba? ubi conquisitor hujus sæculi? Nonne stultam fecit Deus sapientiam hujus mundi?<\/span> <\/p>\n 21<\/sup>Nam quia in Dei sapientia non cognovit mundus per sapientiam Deum: placuit Deo per stultitiam prædicationis salvos facere credentes.<\/span> <\/p>\n 22<\/sup>Quoniam et Judæi signa petunt, et Græci sapientiam quærunt:<\/span> <\/p>\n 23<\/sup>nos autem prædicamus Christum crucifixum: Judæis quidem scandalum, gentibus autem stultitiam,<\/span> <\/p>\n 24<\/sup>ipsis autem vocatis Judæis, atque Græcis Christum Dei virtutem, et Dei sapientia:<\/span> <\/p>\n 25<\/sup>quia quod stultum est Dei, sapientius est hominibus: et quod infirmum est Dei, fortius est hominibus.<\/span> <\/p>\n 26<\/sup>Videte enim vocationem vestram, fratres, quia non multi sapientes secundum carnem, non multi potentes, non multi nobiles:<\/span> <\/p>\n 27<\/sup>sed quæ stulta sunt mundi elegit Deus, ut confundat sapientes: et infirma mundi elegit Deus, ut confundat fortia:<\/span> <\/p>\n 28<\/sup>et ignobilia mundi, et contemptibilia elegit Deus, et ea quæ non sunt, ut ea quæ sunt destrueret:<\/span> <\/p>\n 29<\/sup>ut non glorietur omnis caro in conspectu ejus.<\/span> <\/p>\n 30<\/sup>Ex ipso autem vos estis in Christo Jesu, qui factus est nobis sapientia a Deo, et justitia, et sanctificatio, et redemptio:<\/span> <\/p>\n 31<\/sup>ut quemadmodum scriptum est: Qui gloriatur, in Domino glorietur.<\/span> <\/p>\n