1<\/sup>Omnino auditur inter vos fornicatio, et talis fornicatio, qualis nec inter gentes, ita ut uxorem patris sui aliquis habeat.<\/span> <\/p>\n 2<\/sup>Et vos inflati estis: et non magis luctum habuistis ut tollatur de medio vestrum qui hoc opus fecit.<\/span> <\/p>\n 3<\/sup>Ego quidem absens corpore, præsens autem spiritu, jam judicavi ut præsens eum, qui sic operatus est,<\/span> <\/p>\n 4<\/sup>in nomine Domini nostri Jesu Christi, congregatis vobis et meo spiritu, cum virtute Domini nostri Jesu,<\/span> <\/p>\n 5<\/sup>tradere hujusmodi Satanæ in interitum carnis, ut spiritus salvus sit in die Domini nostri Jesu Christi.<\/span> <\/p>\n 6<\/sup>Non est bona gloriatio vestra. Nescitis quia modicum fermentum totam massam corrumpit?<\/span> <\/p>\n 7<\/sup>Expurgate vetus fermentum, ut sitis nova conspersio, sicut estis azymi. Etenim Pascha nostrum immolatus est Christus.<\/span> <\/p>\n 8<\/sup>Itaque epulemur: non in fermento veteri, neque in fermento malitiæ et nequitiæ: sed in azymis sinceritatis et veritatis.<\/span> <\/p>\n 9<\/sup>Scripsi in epistola: Ne commisceamini fornicariis:<\/span> <\/p>\n 10<\/sup>non utique fornicariis hujus mundi, aut avaris, aut rapacibus, aut idolis servientibus: alioquin debueratis de hoc mundo exiisse.<\/span> <\/p>\n 11<\/sup>Nunc autem scripsi vobis non commisceri: si is qui frater nominatur, est fornicator, aut avarus, aut idolis serviens, aut maledicus, aut ebriosus, aut rapax, cum ejusmodi nec cibum sumere.<\/span> <\/p>\n 12<\/sup>Quid enim mihi de iis qui foris sunt, judicare? nonne de iis qui intus sunt, vos judicatis?<\/span> <\/p>\n 13<\/sup>nam eos qui foris sunt, Deus judicabit. Auferte malum ex vobis ipsis.<\/span> <\/p>\n