1<\/sup>Audet aliquis vestrum habens negotium adversus alterum, judicari apud iniquos, et non apud sanctos?<\/span> <\/p>\n 2<\/sup>an nescitis quoniam sancti de hoc mundo judicabunt? et si in vobis judicabitur mundus, indigni estis qui de minimis judicetis?<\/span> <\/p>\n 3<\/sup>Nescitis quoniam angelos judicabimus? quanto magis sæcularia?<\/span> <\/p>\n 4<\/sup>Sæcularia igitur judicia si habueritis: contemptibiles, qui sunt in ecclesia, illos constituite ad judicandum.<\/span> <\/p>\n 5<\/sup>Ad verecundiam vestram dico. Sic non est inter vos sapiens quisquam, qui possit judicare inter fratrem suum?<\/span> <\/p>\n 6<\/sup>Sed frater cum fratre judicio contendit: et hoc apud infideles?<\/span> <\/p>\n 7<\/sup>Jam quidem omnino delictum est in vobis, quod judicia habetis inter vos. Quare non magis injuriam accipitis? quare non magis fraudem patimini?<\/span> <\/p>\n 8<\/sup>Sed vos injuriam facitis, et fraudatis: et hoc fratribus.<\/span> <\/p>\n 9<\/sup>An nescitis quia iniqui regnum Dei non possidebunt? Nolite errare: neque fornicarii, neque idolis servientes, neque adulteri,<\/span> <\/p>\n 10<\/sup>neque molles, neque masculorum concubitores, neque fures, neque avari, neque ebriosi, neque maledici, neque rapaces regnum Dei possidebunt.<\/span> <\/p>\n 11<\/sup>Et hæc quidam fuistis: sed abluti estis, sed sanctificati estis, sed justificati estis in nomine Domini nostri Jesu Christi, et in Spiritu Dei nostri.<\/span> <\/p>\n 12<\/sup>Omnia mihi licent, sed non omnia expediunt: omnia mihi licent, sed ego sub nullis redigar potestate.<\/span> <\/p>\n 13<\/sup>Esca ventri, et venter escis: Deus autem et hunc et has destruet: corpus autem non fornicationi, sed Domino: et Dominus corpori.<\/span> <\/p>\n 14<\/sup>Deus vero et Dominum suscitavit: et nos suscitabit per virtutem suam.<\/span> <\/p>\n 15<\/sup>Nescitis quoniam corpora vestra membra sunt Christi? Tollens ergo membra Christi, faciam membra meretricis? Absit.<\/span> <\/p>\n 16<\/sup>An nescitis quoniam qui adhæret meretrici, unum corpus efficitur? Erunt enim (inquit) duo in carne una.<\/span> <\/p>\n 17<\/sup>Qui autem adhæret Domino, unus spiritus est.<\/span> <\/p>\n 18<\/sup>Fugite fornicationem. Omne peccatum, quodcumque fecerit homo, extra corpus est: qui autem fornicatur, in corpus suum peccat.<\/span> <\/p>\n 19<\/sup>An nescitis quoniam membra vestra, templum sunt Spiritus Sancti, qui in vobis est, quem habetis a Deo, et non estis vestri?<\/span> <\/p>\n 20<\/sup>Empti enim estis pretio magno. Glorificate, et portate Deum in corpore vestro.<\/span> <\/p>\n