1<\/sup>De iis autem quæ idolis sacrificantur, scimus quia omnes scientiam habemus. Scientia inflat, caritas vero ædificat.<\/span> <\/p>\n 2<\/sup>Si quis autem se existimat scire aliquid, nondum cognovit quemadmodum oporteat eum scire.<\/span> <\/p>\n 3<\/sup>Si quis autem diligit Deum, hic cognitus est ab eo.<\/span> <\/p>\n 4<\/sup>De escis autem quæ idolis immolantur, scimus quia nihil est idolum in mundo, et quod nullus est Deus, nisi unus.<\/span> <\/p>\n 5<\/sup>Nam etsi sunt qui dicantur dii sive in cælo, sive in terra (siquidem sunt dii multi, et domini multi):<\/span> <\/p>\n 6<\/sup>nobis tamen unus est Deus, Pater, ex quo omnia, et nos in illum: et unus Dominus Jesus Christus, per quem omnia, et nos per ipsum.<\/span> <\/p>\n 7<\/sup>Sed non in omnibus est scientia. Quidam autem cum conscientia usque nunc idoli, quasi idolothytum manducant: et conscientia ipsorum cum sit infirma, polluitur.<\/span> <\/p>\n 8<\/sup>Esca autem nos non commendat Deo. Neque enim si manducaverimus, abundabimus: neque si non manducaverimus, deficiemus.<\/span> <\/p>\n 9<\/sup>Videte autem ne forte hæc licentia vestra offendiculum fiat infirmis.<\/span> <\/p>\n 10<\/sup>Si enim quis viderit eum, qui habet scientiam, in idolio recumbentem: nonne conscientia ejus, cum sit infirma, ædificabitur ad manducandum idolothyta?<\/span> <\/p>\n 11<\/sup>Et peribit infirmus in tua scientia, frater, propter quem Christus mortuus est?<\/span> <\/p>\n 12<\/sup>Sic autem peccantes in fratres, et percutientes conscientiam eorum infirmam, in Christum peccatis.<\/span> <\/p>\n 13<\/sup>Quapropter si esca scandalizat fratrem meum, non manducabo carnem in æternum, ne fratrem meum scandalizem.<\/span> <\/p>\n